ଫିଲ୍ମ ‘କାନ୍ତାରା’ର ଜବରଦସ୍ତ ସଫଳତା ପରେ ନିର୍ମାତାମାନେ ଏହାର ପରବର୍ତ୍ତୀ ପାର୍ଟ କାନ୍ତାରା ଚାପ୍ଟର-୧ ପରଦାକୁ ଆଣିବାକୁ ଯାଉଛନ୍ତି। ନିକଟରେ ଏହି ଫିଲ୍ମ ଘୋଷଣା କରାଯାଇଥିଲା। ଆଜି ଏହାର ପ୍ରଥମ ଲୁକ ଏବଂ ଟିଜର ରିଲିଜ ହୋଇଛି।
ଏହି ଟିଜରରେ ଅଭିନେତା ତଥା ନିର୍ଦ୍ଦେଶକ ରିଷବ ଶେଟ୍ଟୀଙ୍କୁ ଏକ ଭୟଙ୍କର ଏବଂ ଆକର୍ଷଣୀୟ ରୂପରେ ଦର୍ଶାଯାଇଛି। ଟିଜର ଦେଖିବା ପରେ ଏହା ପ୍ରଥମ ଫିଲ୍ମ ଅପେକ୍ଷା ଅଧିକ ରହସ୍ୟମୟ ଏବଂ ଚମତ୍କାର ହେବ ବୋଲି ଦର୍ଶକ କହିବା ଆରମ୍ଭ କଲେଣି।
ରିଷବଙ୍କୁ ଭୟଭୀତ ଜଙ୍ଗଲରେ ଦୌଡୁଥିବା ଦେଖାଯିବା ସହିତ ଟିଜର ଆରମ୍ଭ ହୁଏ। ବ୍ୟାକ୍ଗ୍ରାଉଣ୍ଡରେ ଏକ ଭୟଙ୍କର ସଙ୍ଗୀତ ମଧ୍ୟ ଶୁଣାଯାଏ। ଏହି ଦିନଠାରୁ ଫିଲ୍ମର ସୁଟିଂ ଆରମ୍ଭ ହେବ
ଗତ ବର୍ଷ ଫିଲ୍ମ ‘କାନ୍ତାରା’ବିଶ୍ୱ ସ୍ତରରେ ଏକ ଜବରଦସ୍ତ ପ୍ରଦର୍ଶନ କରିଥିଲା। ଚଳଚ୍ଚିତ୍ରର କାହାଣୀ ଏବଂ ଅଭିନେତାଙ୍କ ଅଭିନୟ ଦର୍ଶକଙ୍କୁ ପାଗଳ କରିଦେଇଥିଲା ।ବର୍ତ୍ତମାନ ପ୍ରଥମ ଭାଗ ପରେ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପରବର୍ତ୍ତୀ ଭାଗକୁ ଅପେକ୍ଷା କରିଛନ୍ତି ।
ଆସନ୍ତା ବର୍ଷ ହିନ୍ଦୀ ଏବଂ କନ୍ନଡ, ତାମିଲ, ତେଲୁଗୁ, ମାଲାୟାଲମ, ଇଂରାଜୀ ଏବଂ ବଙ୍ଗଳା ସମେତ ୭ଟି ଭାଷାରେ ‘କାନ୍ତାରା ଚାପ୍ଟର ୧’ ରିଲିଜ ହେବ।
ଡିସେମ୍ବର ଶେଷ ସୁଦ୍ଧା ଫିଲ୍ମର ଶୁଟିଂ ଆରମ୍ଭ ହେବ। ଫିଲ୍ମର କାଷ୍ଟ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ, କିନ୍ତୁ ଫିଲ୍ମର ପ୍ରଥମ ଲୁକରେ ଅସାଧାରଣ କାହାଣୀରେ ପରିପୂର୍ଣ୍ଣ ଏକ ସମାନ୍ତରାଳ ଦୁନିଆକୁ ଯାତ୍ରା ଦେଖାଯାଇଛି ।