ଲଣ୍ଡନ,୫।୮: ଇଂଲଣ୍ଡ ବିପକ୍ଷ ନଟିଂହାମ ଟେଷ୍ଟରେ ଟିମ ଇଣ୍ଡିଆର ବୋଲରମାନେ ଏକ ଭଲ ଆରମ୍ଭ କରିଥିଲେ। ଇଂଲଣ୍ଠର ପ୍ରଥମ ଇନିଂସରେ ଭାରତ ଘରୋଇ ଦଳକୁ ମାତ୍ର ୧୮୩ ରନ୍ର ରୋକି ଦେଇଛି। ଟସ୍ ହାରି ପ୍ରଥମେ ଫିଲ୍ଡିଂ କରୁଥିବା ଭାରତୀୟ ଦଳ ପ୍ରଥମ ଇନିଂସରେ ଜସପ୍ରୀତ ବୁମ୍ରା ମ୍ୟାଚର ପ୍ରଥମ ଓଭରରେ ରୋରୀ ବର୍ନସଙ୍କୁ ଆଉଟ୍ କରିଥିଲେ ଏବଂ ପରେ ୨୧ ତମ ଓଭରରେ ଟିମ ଇଣ୍ଡିଆ ଦ୍ୱିତୀୟ ସଫଳତା ହାସଲ କରିଥିଲା। ଭାରତର ଦ୍ୱିତୀୟ ଉଇକେଟ ମହମ୍ମଦ ସିରାଜ ନେଇଥିଲେ, କିନ୍ତୁ ଏଥିରେ ସବୁଠାରୁ ବଡ ହାତ ଥିଲା ଉଇକେଟ କିପର ରିଷଭ ପନ୍ତ। ଯିଏ କି ଅଧିନାୟକ ବିରାଟ କୋହଲିଙ୍କୁ ଦୀର୍ଘ ସମୟ ଧରି ଡିଆର୍ଏସ୍ ନେବା ପାଇଁ ପ୍ରବର୍ତ୍ତାଇଥିଲେ। କୋହଲି ପନ୍ତଙ୍କ କଥାକୁ ମାନିଥିଲେ ଏବଂ ଭାରତକୁ ଜ୍ୟାକ କ୍ରାଉଲିଙ୍କ ଉଇକେଟ ମିଳିଥିଲା। ତୃତୀୟ ଅମ୍ପାୟାର କ୍ରୋଲେଙ୍କୁ ଆଉଟ ଘୋଷଣା କରିଥିଲେ ଏବଂ ଏହା ପରେ ବିରାଟ-ପନ୍ତ ଏବଂ ଟିମ ଇଣ୍ଡିଆର ଖୁସିର ସୀମା ନ ଥିଲା। ଏବେ ସୋସିଆଲ ମିଡିଆରେ ରିଷଭ ଏବଂ କୋହଲି ଏହି କଥାବାର୍ତ୍ତା ବେଳର ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି।