ଭାରତୀୟ କ୍ରିକେଟର୍ ରିଷଭ ପନ୍ତଙ୍କୁ ଆଗାମୀ ମହେନ୍ଦ୍ର ସିଂ ଧୋନୀ ବୋଲି ବିବେଚନା କରାଯାଉଛି। ଖୁବ୍ କମ୍ ସମୟରେ ନିଜ କ୍ରିକେଟ ଜରିଆରେ ସମସ୍ତଙ୍କ ଜିଣିଛନ୍ତି। ରିଷଭଙ୍କ ଲଭ୍ ଳାଇଫ୍ ମଧ୍ୟ ତାଙ୍କ କ୍ୟାରିୟର୍ ଭଳି ବେଶ୍ ଚର୍ଚ୍ଚାରେ ଥାଏ। ସେ ଇଶା ନେଗି ନାମକ ଜଣେ ଯୁବତୀଙ୍କୁ ପ୍ରେମ କରୁଛନ୍ତି। ଇଶା ଜଣେ ଇଣ୍ଟେରିୟର୍ ଡିଜାଇନର୍। ବେଳେବେଳେ ଉଭୟଙ୍କ ଫଟୋ ମଧ୍ୟ ରିଷଭ ନିଜ ଇନ୍ଷ୍ଟାଗ୍ରାମରେ ଶେୟାର କରିଥାନ୍ତି। କିନ୍ତୁ କିଛି ଦିନ ତଳେ ସେ ଇଶାଙ୍କୁ ଛାଡି ଅଭିନେତ୍ରୀ ଉର୍ବଶୀ ରଉତେଲାଙ୍କୁ ଡେଟ୍ କରୁଥିବା କୁହାଯାଉଥିଲା। ଉଭୟଙ୍କ ଫଟୋ ମଧ୍ୟ ଭାଇରାଲ ହୋଇଥିଲା। ପ୍ରେମିକା ଇଶା ନେଗି ଜାଣିବା ପରେ ରିଷଭ ଉର୍ବଶୀଙ୍କୁ ସୋସିଆଲ ମିଡିଆରୁ ବ୍ଲକ କରିଦେଇଥିଲେ। ନିକଟରେ ରିଷଭ ନିଜ ୨୩ତମ ଜନ୍ମଦିନ ପାଳନ କରିଥିଲେ। ଇଶା ରିଷଭଙ୍କ ଫଟୋରେ ବବି ବୋଲି କହି ଜନ୍ମଦିନର ଶୁଭେଚ୍ଛା ଜଣାଇ ଥିଲେ। ଇଶା ତାଙ୍କୁ ଗେହ୍ଲାରେ ରିଷଭଙ୍କୁ ବବି ବୋଲି ଡାକନ୍ତି।