ନୂଆଦିଲ୍ଲୀ,୧୨।୮: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍) ୨୦୨୧ର ଦ୍ୱିତୀୟ ପର୍ଯ୍ୟାୟ ୟୁଏଇରେ ଖେଳାଯିବ। ଏହି ଲିଗ୍ରେ ଏଯାବତ ଖେଳାଯାଇଥିବା ମ୍ୟାଚ୍ରେ ଦିଲ୍ଲୀ କ୍ୟାପିଟାଲ୍ସ ପଏଣ୍ଟ ଟେବୁଲର ଶୀର୍ଷରେ ରହିଛି। ଏହି ୧୪ତମ ସିଜନ୍ରେ ଦିଲ୍ଲୀର ମଙ୍ଗ ଧରିଥିଲେ ଋଷଭ ପନ୍ତ। ହେଲେ ଶୀର୍ଷ ତାଙ୍କୁ ଅଧିନାୟକ ପଦରୁ ହଟାଇ ଦିଆଯାଇପାରେ।
ସିଜିନ୍ ଆରମ୍ଭ ପୂର୍ବରୁ ଦିଲ୍ଲୀର ଅଧିନାୟକ ଶ୍ରେୟସ ଆୟର ଆହତ ହୋଇଥିଲେ। ଏହି କାରଣରୁ ସେ ଖେଳିପାରି ନ ଥିଲେ। ପରେ ଋଷଭଙ୍କୁ ତାଙ୍କ ବଦଳରେ ଅଧିନାୟକ ଦାୟିତ୍ୱ ମିଳିଥିଲା। ହେଲେ ଏବେ ଶ୍ରେୟସ ପୁଣିଥରେ ଫିଟ୍ ହୋଇଯାଇଥିବାରୁ ସେ ଶୀଘ୍ର ମଇଦାନକୁ ଫେରିପାରନ୍ତି। ଗତମାସରୁ ସେ ନିଜର ଟ୍ରେନିଂ ଆରମ୍ଭ କରିଛନ୍ତି। ଏଣୁ ଆଇପିଏଲ୍ରେ ଅବଶିଷ୍ଟାଂଶ ମ୍ୟାଚ୍ରେ ସେ ନଜର ଆସିପାରନ୍ତି।
ଏଣୁ ଦିଲ୍ଲୀ ପୁଣିଥରେ ଶ୍ରେୟସଙ୍କୁ ଅଧିନାୟକ କରିପାରେ। ହେଲେ ଋଷଭଙ୍କ ନେତୃତ୍ୱରେ ଦଳ କେବଳ ଯେ ଭଲ ଖେଳିଛି ତାହା ନୁହେଁ ବରଂ ୮ରୁ ୬ ମୁକାବିଲା ଜିତି ପଏଣ୍ଟ ତାଲିକା ଶୀର୍ଷରେ ରହିଛି। ଏଣୁ ଦଳ ପ୍ଲେଅଫ୍ ପାଇଁ କ୍ୱାଲିଫାଏ କରିଥିବା ଏକରକମ ସ୍ପଷ୍ଟ ହୋଇଛି।
କହିରଖୁଛୁ, ଋଷଭ ଗତ ଏକ ବର୍ଷରୁ ଭଲ ଫର୍ମରେ ଅଛନ୍ତି। ତାଙ୍କ ପ୍ରଦର୍ଶନ ପାଇଁ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷରେ ଐତିହାସିକ ବିଜୟ ହାସଲ କରିଥିଲା। ଏଣୁ ପନ୍ତଙ୍କୁ ଅଧିନାୟକ ପଦରୁ ହଟାଇବା ଦିଲ୍ଲୀ ପାଇଁ ସହଜ ହେବ ନାହି
ବୋଲି କୁହାଯାଉଛି।
