ମେଲବୋର୍ନ, ୨୭।୧୨: ମେଲବର୍ନରେ ଖେଳାଯାଉଥିବା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଭାରତୀୟ ଉଇକେଟ କିପର ରିଷଭ ପନ୍ତ ଏକ ସ୍ବତନ୍ତ୍ର କ୍ଲବରେ ଯୋଗ ଦେଇଛନ୍ତି। ଭାରତର ପ୍ରଥମ ଇନିଂସରେ ପନ୍ତ ୪୦ଟି ବଲରୁ ୨୦ ରନ ସଂଗ୍ରହ କରି ଅଧିନାୟକ ଅଜିଙ୍କେ ରାହାନେଙ୍କ ସହ ପଞ୍ଜମ ଉଇକେଟ ପାଇଁ ଏକ ଗୁରୁତ୍ୱପୂର୍ଣ୍ଣ ୫୭ ରନ ଭାଗିଦାରୀ କରିଥିଲେ। ଟେଷ୍ଟ ମ୍ୟାଚର ଦ୍ୱିତୀୟ ଦିନରେ ଖେଳ ଶେଷ ହେବା ପର୍ଯ୍ୟନ୍ତ ରାହାନେଙ୍କ ଅପରାଜିତ ଶତକ ଯୋଗୁ ଭାରତ ପାଞ୍ଚ ଉଇକେଟ ହରାଇ ୨୭୭ ରନ ସଂଗ୍ରହ କରିଛି। ରାହାନେ ୧୦୪ ରନ୍ରେ ଅପରାଜିତ ଏବଂ ଜାଡେଜା ୪୦ ରନ ସ୍କୋର କରି କ୍ରିଜ୍ରେ ଅଛନ୍ତି।
ଅଷ୍ଟ୍ରେଲିଆରେ ଗତ ଆଠ ଇନିଂସରେ ଲଗାତାର ୨୫ ପ୍ଲସ ସ୍କୋର କରି ପନ୍ତ ହେମଣ୍ଡ, ଭିଭିଆନ ରିଚାର୍ଡସ ଏବଂ ରୁସି ସୁରତିଙ୍କ ରେକର୍ଡକୁ ସମାନ କରିଛନ୍ତି। ଅଷ୍ଟ୍ରେଲିଆର ଶେଷ ଆଠ ଇନିଂସରେ ପନ୍ତ ୨୫, ୨୮, ୩୬, ୩୦, ୩୯, ୩୩, ୧୫୯ * ଏବଂ ୨୯ ରନ ସ୍କୋର କରିଛନ୍ତି। ପନ୍ତଙ୍କୁ ରିଦ୍ଧିମାନ ସାହାଙ୍କ ସ୍ଥାନରେ ମେଲବୋର୍ନ ଟେଷ୍ଟରେ ସାମିଲ କରାଯାଇଛି। ଅବଶ୍ୟ, ପନ୍ତ କ୍ରିଜରେ ସ୍ଥିର ହେବା ପରେ ମଧ୍ୟ ଲମ୍ବା ଇନିଂସ ଖେଳିବାରେ ଅସଫଳ ହୋଇଥିଲେ। ଅଷ୍ଟ୍ରେଲିଆ ବିପକ୍ଷରେ ପନ୍ତଙ୍କର ଭଲ ରେକର୍ଡ ରହିଛି। ସେ ଏଠାରେ ଗୋଟିଏ ଶତକ ସମେତ ଅଷ୍ଟ୍ରେଲିଆ ମାଟିରେ ୮ ଇନିଂସରେ ହାରାହାରି ୫୪ରେ ୩୭୯ ରନ ସଂଗ୍ରହ କରିଛନ୍ତି।
