ଲଣ୍ଡନ,୨୬ ।୮: ଲଣ୍ଡନ ପ୍ରଧାନମନ୍ତ୍ରୀ ଦୌଡରେ ଆଗରେ ଥିବା ଋଷି ସୁନକ ଓ ପତ୍ନୀ ଅକ୍ଷତା ମୁର୍ତ୍ତି ଜନ୍ମଷ୍ଟମୀ ପାଳନ କରିବା ପରେ ଏବେ ‘ବଛ ବରସ’ରେ ଗୋ ପୂଜା କରିଥିବା ଦେଖାଯାଇଛି । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଏହାସହ ସନାତନ ଧର୍ମ ଓ ସଂସ୍କୃତିର ବିଶେଷତା ଉପରେ ଚର୍ଚ୍ଚା ହୋଇଛି ।
ସୁନକ ଦମ୍ପତ୍ତି ଜନ୍ମାଷ୍ଟମୀ ଅବସରରେ ଭଗବାନ କୃଷ୍ଣଙ୍କର ପୂଜା କରିବା ସହ ଏହାର ଫଟୋ ଇନଷ୍ଟାଗ୍ରାମରେ ଶେୟାର କରିଥିଲେ । ହେଲେ ଦୁଇ ଦିନ ପୂର୍ବରୁ ପାଳନ କରାଯାଇଥିବା ‘ବଛ ବରସ’ରେ ଏମାନେ ଗୋ ପୂଜା କରିଥିଲେ । ଏହାର ଏକ ଭିଡିଓ ତାଙ୍କର ଜଣେ ସମର୍ଥକ ଟୁଇଟରରେ ଶେୟାର କରିଛନ୍ତି । ଅଗଷ୍ଟ ୨୩ରେ ଏହା ପାଳନ କରାଯାଇଥିଲା । ଏହି ଅବସରରେ ଗାଈ ବାଛୁରୀଙ୍କ ପୂଜା କରାଯାଇ ଆଶୀର୍ବାଦ ଭିକ୍ଷା କରାଯାଇଥାଏ । ଭାରତରେ ଏହା ବଡ ଆଡମ୍ବରରେ ପାଳନ କରାଯାଇଥାଏ ।
Rishi Sunak (potential PM of UK) and his wife doing Gau Mata Pooja in the UK. This strongly shows that India has 'arrived' on the world stage and we are no longer embarrassed or ashamed to display our rich cultural heritage. Jai Sanatan Dharam. #rishisunak #gaumata #dharma pic.twitter.com/jE8xtrtO68
— Mairan Sewtahal (@Mairansewtahal) August 20, 2022
