ରାଇକିଆ,୨୬।୯(ଡି.ଏନ୍.ଏ.): କନ୍ଧମାଳ ଜିଲା ରାଇକିଆ ଅଞ୍ଚଳରେ ବଢୁଛି ପାଜିଟିଭଙ୍କ ସଂଖ୍ୟା। ଗତ ଏକ ମାସ ହେଲା ଦୋକାନ ବଜାର ଖୋଲିଲା ପରେ ରୋଗୀଙ୍କ ସଂଖ୍ୟା ବୃଦ୍ଧି ଘଟିଛି । ଗୋଟିଏ ପଟେ ଟେଷ୍ଟ କମ୍ ହଉ ଥିବା ବେଳେ ବହୁ ସଂଖ୍ୟରେ ଲୋକେ ଥଣ୍ଡା, କାଶ, ଜ୍ୱରରେ ପୀଡ଼ିତ ହେଉଛନ୍ତି। ରାଇକିଆ ଅଞ୍ଚଳର ଏଭଳି ଅବସ୍ଥାକୁ ଦେଖି ବିଭିନ୍ନ ସଂଗଠନ ତରଫରୁ ମିଳିତ ଭାବେ ଶନିବାରଠାରୁ ୭ ଦିନ ପାଇଁ ରାଇକିଆ ବଜାରର ଦୋକାନ ବଜାର ବନ୍ଦ ରଖିବାକୁ କ୍ରିୟାନୁଷ୍ଠାନ କମିଟି ତରଫରୁ ନିବେଦନ କରାଯାଇଛି । ଏଥି ପାଇଁ ଡାକବାଜି ଯନ୍ତ୍ର ସାହାଯ୍ୟରେ ପ୍ରଚାର ମଧ୍ୟ କରାଯାଇଛି । ବିଶେଷ କରି ସାମାଜିକ ଦୂରତା ରହୁ ନ ଥିବା, ଭିଡ଼ ଜମୁଥିବା ଯୋଗୁ ପରିସ୍ଥିତି ଗୁରୁତର ହେଉଛି।