ଲଣ୍ଡନ,୨୫।୧୦ : ଋଷି ସୁନକ ଆନୁଷ୍ଠାନିକ ଭାବରେ ବ୍ରିଟେନର ପ୍ରଧାନମନ୍ତ୍ରୀ ହୋଇଛନ୍ତି। ସୁନକ ଲଣ୍ଡନର ବକିଙ୍ଗହମ ପ୍ୟାଲେସରେ କିଙ୍ଗ ଚାଲର୍ସ ତୃତୀୟଙ୍କୁ ଭେଟିଥିଲେ। ଏହା ପରେ ଚାଲର୍ସ ସୁନକଙ୍କୁ ସରକାର ଗଠନ କରିବାକୁ କହିଥିଲେ। ଚାଲର୍ସଙ୍କ ଦ୍ୱାରା ସରକାର ଗଠନ କରିବାକୁ କୁହାଯିବା ପରେ ମୂଳ ଭାରତୀୟ ସୁନକ ଆନୁଷ୍ଠାନିକ ଭାବରେ ବ୍ରିଟିଶ ପ୍ରଧାନମନ୍ତ୍ରୀ ହୋଇଛନ୍ତି।
ଚାଲର୍ସଙ୍କ ଦ୍ୱାରା ବ୍ରିଟିଶ ପ୍ରଧାନମନ୍ତ୍ରୀ ଭାବରେ ନିଯୁକ୍ତ ହେବା ପରେ ସୁନକ ୧୦ ଡାଉନିଂ ଷ୍ଟ୍ରିଟରେ ପହଞ୍ଚି ପ୍ରଧାନମନ୍ତ୍ରୀ ଭାବରେ ତାଙ୍କର ପ୍ରଥମ ଭାଷଣ ଦେଶବାସୀଙ୍କ ଉଦ୍ଦେଶ୍ୟରେ ଦେଇଛନ୍ତି। ସେ କହିଛନ୍ତି ଯେ ମୋ ସରକାର ଏକ ଅର୍ଥନୀତି ଗଠନ କରିବ ଯାହା ବ୍ରେକ୍ସିଟର ସୁଯୋଗକୁ ଅଧିକ ଉପଯୋଗ କରିବାକୁ ସକ୍ଷମ ହେବ।
ସୁନକ କହିଛନ୍ତି ଯେ ମୁଁ ମୋର ଦଳର ନେତା ଭାବରେ ନିର୍ବାଚିତ ହୋଇଛି। ମୁଁ ଆପଣଙ୍କୁ ପ୍ରତିଶୃତି ଦେଉଛି ଯେ ମୁଁ ସମାନ ମାନବିକତା ସହ କାର୍ଯ୍ୟ କରିବି ଏବଂ ଆପଣଙ୍କ ତଥା ଆଗାମୀ ପିଢ଼ି ପାଇଁ ଏକ ଉତ୍ତମ ଭବିଷ୍ୟତ ଗଢ଼ିବା ପାଇଁ କାର୍ଯ୍ୟ କରିବି। ମୁଁ କେବଳ ମୋ କଥା ମାଧ୍ୟମରେ ନୁହେଁ ବରଂ କାର୍ଯ୍ୟ ଦ୍ୱାରା ମଧ୍ୟ ମୋ ଦେଶକୁ ଏକଜୁଟ କରିବି। ମୁଁ ଆର୍ଥିକ ସ୍ଥିରତା ଏବଂ ବିଶ୍ୱାସକୁ ଏହି ସରକାରଙ୍କ ଏଜେଣ୍ଡାର କେନ୍ଦ୍ରରେ ରଖିବି। ଏହାର ଅର୍ଥ ହେଉଛି ଆଗାମୀ ଦିନରେ, ଆମେ କଠିନ ନିଷ୍ପତ୍ତି ନେଇପାରିବା। ମୁଁ ନେତୃତ୍ୱ ନେଉଥିବା ସରକାର ପରବର୍ତ୍ତୀ ପିଢ଼ି ଆପଣଙ୍କ ପିଲା ଏବଂ ନାତି ନାତୁଣୀଙ୍କୁ ଋଣ ପରିଶୋଧ କରିବାକୁ ଛାଡିବେ ନାହିଁ।
ସୁନକ କହିଛନ୍ତି ଯେ ଅନେକ ଲୋକ ଦେଇଥିବା ବଳିଦାନର ଯୋଗ୍ୟ ଭବିଷ୍ୟତ ଗଠନ କରିବୁ। ଆସନ୍ତାକାଲି ଏବଂ ତା’ପରେ ପ୍ରତ୍ୟେକ ଦିନ ଭରସା ପୂର୍ଣ୍ଣ ହେବ। ଏହି ସରକାର ପ୍ରତ୍ୟେକ ସ୍ତରରେ ସଚ୍ଚୋଟତା ଏବଂ ଉତ୍ତରଦାୟୀ ଭାବରେ କାର୍ଯ୍ୟ କରିବେ। ବିଶ୍ୱାସ ଅର୍ଜନ ହୋଇଥାଏ ଏବଂ ମୁଁ ବ୍ରିଟେନର ଲୋକଙ୍କ ଭରସା ହାସଲ କରିବି।
ମୋର ପାର୍ଟିର ସର୍ବୋତ୍ତମ ପରମ୍ପରାକୁ ପ୍ରତିପାଦିତ କରିବା, ଭବିଷ୍ୟତରେ ଆମ ଦେଶକୁ ଆଗେଇ ନେବା ପାଇଁ ମୁଁ ଆପଣଙ୍କ ସମ୍ମୁଖରେ ଛିଡା ହୋଇଛି। ଆମେ ମିଳିତ ଭାବେ ଅବିଶ୍ୱସନୀୟ ଉପଲବ୍ଧି ହାସଲ କରିବାକୁ ପ୍ରୟାସ କରିବା।
