ଲଣ୍ଡନ,୨୫।୧୦ : ମୂଳ ଭାରତୀୟ ଋଷି ସୁନକ ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ପ୍ରଥମ ଥର ପାଇଁ ଯେତେବେଳେ ସୁନକ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିଲେ ସେତେବେଳେ ତାଙ୍କ ସ୍ତ୍ରୀଙ୍କ ଆୟକୁ ନେଇ ବିବାଦ ଦେଖାଦେଇଥିଲା। ପ୍ରକୃତରେ ସୁନକଙ୍କ ସ୍ତ୍ରୀ ଅକ୍ଷତା ମୁର୍ତ୍ତି ଇନଫୋସିସ କମ୍ପାନୀର ସହ-ପ୍ରତିଷ୍ଠାତା ନାରାୟଣ ମୁର୍ତ୍ତିଙ୍କ ଝିଅ। ୨୦୨୨ ମସିହାରେ, ସେ ଇନଫୋସିସ ଶେୟାରରୁ ୧୨୬.୬୧ କୋଟି ଟଙ୍କା ଲାଭ କରିଥିଲେ। ସେ କମ୍ପାନୀରେ ୦.୯୩ ପ୍ରତିଶତ ଅଂଶଧନ ପାଇଛନ୍ତି। ମଙ୍ଗଳବାର ଷ୍ଟକ ମାର୍କେଟ ତଥ୍ୟ ଅନୁଯାୟୀ ଅକ୍ଷତା ମୁର୍ତ୍ତିଙ୍କ ଶେୟାର ମୂଲ୍ୟ ୫,୯୫୬ କୋଟି ଟଙ୍କା।
ବାସ୍ତବରେ ଅକ୍ଷତା ମୁର୍ତ୍ତି କେବଳ ଡିଭିଡେଣ୍ଡରୁ ପ୍ରତିବର୍ଷ କୋଟି କୋଟି ଟଙ୍କା ରୋଜଗାର କରନ୍ତି। ବିବାଦ ଥିଲା ଯେ ସେ ଭାରତର ନାଗରିକ ତେଣୁ ବ୍ରିଟେନରେ ଟିକସ ଦେଇ ନଥିଲେ। ଯଦିଓ ସେ ଭାରତ କମ୍ପାନୀରୁ କୋଟି କୋଟି ରୋଜଗାର କରୁଥିଲେ । କୁହାଯାଇଥିଲା ଯେ ତାଙ୍କ ସମ୍ପତ୍ତି କୁଇନଏଲିଜାବେଥଙ୍କ ମୋଟ ସମ୍ପତ୍ତିଠାରୁ ଅଧିକ ଥିଲା। ଏହି ବିଷୟରେ ଋଷି ସୁନକ ଏବଂ ତାଙ୍କ ସ୍ତ୍ରୀଙ୍କ ଉପରେ ପ୍ରଶ୍ନ ଉଠିଥିଲା।
ରିପୋର୍ଟ ଅନୁଯାୟୀ, ସୁନକଙ୍କ ମୋଟ ସମ୍ପତ୍ତିରମୂଲ୍ୟ ୭୩୦ନିୟୁତ ପାଉଣ୍ଡ। ଥରେ ଅକ୍ଷତା ମୁର୍ତ୍ତି ମଧ୍ୟ ଏକ କପ ଚାକୁ ନେଇ ବିବାଦ ଭିତରକୁ ଆସିଥିଲେ। ଖବରଦାତାମାନଙ୍କ ପାଇଁ ଚା ଏବଂ ବିସ୍କୁଟ ବ୍ୟବସ୍ଥା କରାଯାଇଥିଲା। ଯଦିଓ କପଗୁଡିକର ମୂଲ୍ୟ ପ୍ରାୟ ୩୮ ପାଉଣ୍ଡ ଅର୍ଥାତ ପ୍ରାୟ ୩୫୦୦ ଟଙ୍କା ବୋଲି କୁହାଯାଇଥିଲା। ଏଭଳି ପରିସ୍ଥିତିରେ ଏହାର ଫଟୋ ଭାଇରାଲ ହେବାରେ ଲାଗିଥିଲା। ସୁନକଙ୍କ ବିଷୟରେ ମଧ୍ୟ ସମାନ କଥା କୁହାଯାଇଥିଲା ଯେ ଏତେ ଧନୀ ବ୍ୟକ୍ତି କିପରି ତୃଣମୂଳସ୍ତରରେ କାମ କରି ପାରିବେ।
ଅକ୍ଷତା ହୁବଲିରେ ତାଙ୍କ ମାତା ସୁଧା ମୁର୍ତ୍ତିଙ୍କ ଘରେ ଜନ୍ମଗ୍ରହଣ କରିଥିଲେ। ସେ ବାଙ୍ଗାଲୋରରୁ ସ୍କୁଲପାଠ ପଢ଼ିଥିଲେ। ପରେ କାଲିଫର୍ନିଆ ଯାଇଥିଲେ। ସେ ଅର୍ଥନୀତି ଏବଂ ପାର୍ସୀ ଭାଷାରେ ସ୍ନାତକ ହାସଲ କରିଥିଲେ। ସେ ଲସଏଞ୍ଜେଲସରୁ ଫ୍ୟାଶନ ଡିଜାଇନିଂରେ ଡିପ୍ଲୋମା କରିଥିଲେ। ଏହା ପରେ ସେ ଷ୍ଟାନଫୋର୍ଡରେ ଏମବିଏ ପଢ଼ିବାକୁ ଯାଇଥିଲେ। ସେଠାରେ ସେ ଋଷି ସୁନକଙ୍କୁ ଭେଟିଥିଲେ। ପରେ ୨୦୦୯ ମସିହାରେ ଦୁହେଁ ବିବାହ କରିଥିଲେ।