ପାଟଣା,୮।୯-ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଡ୍ରଗ୍ସର ସଂଯୋଗ ସମ୍ପର୍କରେ ଅନୁସନ୍ଧାନ କରୁଥିବା ନାକୋର୍ର୍ଟିକ କଣ୍ଟ୍ରୋଲ ଅଫ ବ୍ୟୁରୋ (ଏନ୍ସିବି) ମଙ୍ଗଳବାର ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଛି। ରିୟା ଗିରଫ ହେବା ପରେ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ ନିଜ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଡ୍ରଗ୍ସ ମାଫିଆଙ୍କ ସହ ରିୟା ଚକ୍ରବର୍ତ୍ତୀଙ୍କ ସମ୍ପର୍କ ଥିବା ପ୍ରମାଣିତ ହୋଇଛି। ରିୟାଙ୍କ ଅସଲ ମୁଖା ଖୋଲିଯାଇଛି।
Narcotics Control Bureau (NCB) must have found evidence against her: Bihar DGP Gupteshwar Pandey https://t.co/FuS5dA3boY
— ANI (@ANI) September 8, 2020
ପ୍ରକାଶ ଯେ, ସୁଶାନ୍ତଙ୍କ ମୃତ୍ୟୁ ମାମଲାରେ ସିବିଆଇ ଏବଂ ଏନସିବି ଟିମ ତଦନ୍ତ ଚଳାଇଛନ୍ତି। ଡ୍ରଗ୍ସ ସମ୍ପର୍କରେ ଏନ୍ସିବି ଟିମ ସମଗ୍ର ମାମଲାର ତଦନ୍ତ କରୁଛି। ଏହି ମାମଲାରେ ପ୍ରଥମେ ରିୟାଙ୍କ ଭାଇ ସୌଭିକ ଚକ୍ରବର୍ତ୍ତୀଙ୍କୁ ଅନେକ ଦିନ ଧରି ପଚରାଉଚରା ପରେ ଏନ୍ସିବି ଗିରଫ କରିଥିଲା। ଆଜି ରିୟାଙ୍କୁ ମଧ୍ୟ ଗିରଫ କରାଯାଇଛି।
