ମୁମ୍ବାଇ, ୨୨।୭: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ତଦନ୍ତରେ ପ୍ରତିଦିନ ନୂଆ କଥା ଶୁଣିବାକୁ ମିଳୁଛି। ଏବେ ସୋସିଆଲ୍ ମିଡ଼ିଆରେ ସୁଶାନ୍ତଙ୍କ ଗର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତୀ ପୋଲିସ ଆଗରେ ଦେଇଥିବା ବୟାନ ନେଇ ଚର୍ଚ୍ଚା ଜାରି ରହିଛି। ରିୟାଙ୍କ ବୟାନ ପରେ ସୁଶାନ୍ତଙ୍କ ଆତ୍ମହତ୍ୟା ମାମଲାରେ ଟୁଇଷ୍ଟ୍ ଆସିଛି। ପୋଲିସ ଜେରା ସମୟରେ ରିୟା ପ୍ରାୟ ଏକ ବର୍ଷ(୧୧ମାସ) ଧରି ସୁଶାନ୍ତଙ୍କର କ୍ରେଡିଟ୍ କାର୍ଡ ବ୍ୟବହାର କରୁଥିବା ସ୍ବୀକାର କରିଛନ୍ତି। ଏହାକୁ ସେ ବିଭିନ୍ନ ଶପିଂ ସମୟରେ ବ୍ୟବହାର କରୁଥିବା କହିଛନ୍ତି। ସୁଶାନ୍ତ ରିୟାଙ୍କ ସହିତ ପାସଓ୍ବାର୍ଡ ଏବଂ ପିନ୍ ଶେୟାର କରିଥିଲେ କି ନାହିଁ ସେନେଇ ପୋଲିସ ଅଧିକ ପଚରାଉଚରା ଜାରି ରଖିଛି। ଗତବର୍ଷ ରିୟାଙ୍କ ୟୁରୋପ ଗସ୍ତର ସମସ୍ତ ଖର୍ଚ୍ଚ ସୁଶାନ୍ତ ଦେଇଥିବା କୁହାଯାଉଛି। ଇତିମଧ୍ୟରେ ପୋଲିସ ସାଇକାଟ୍ରିକ୍ ଡାକ୍ତର କେରସି ଚଭଦାଙ୍କ ସହିତ ୩୭ ଜଣଙ୍କ ବୟାନ ରେକର୍ଡ କରିଛି। ଡାକ୍ତରଙ୍କୁ ସ୍ଥାନୀୟ ଡିିସିପି ଅଭିଷେକ ତ୍ରିମୁଖେ ପଚରାଉଚରା କରିଥିଲେ।
