ବମ୍ବେ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାରେ ଛନ୍ଦି ହୋଇଛନ୍ତି ପ୍ରେମିକା ରିୟା ଚର୍କବର୍ତ୍ତୀ। ଇତିମଧ୍ୟରେ ସେ ଇଡି ଅଫିସରେ ହାଜର ହୋଇସାରିଛନ୍ତି। ଟଙ୍କା ହେରଫେରକୁ ନେଇ ଇଡି ତଦନ୍ତ କରୁଥିବା ବେଳେ ରିୟାଙ୍କ ସହ ପୁରା ପରିବାର ବିବାଦକୁ ଆସିଛି। ଏସବୁ ମଧ୍ୟରେ ରିୟା ସୁଶାନ୍ତଙ୍କ ଡାଏରୀର କିଛି ପୃଷ୍ଠା ଶେୟାର କରିଛନ୍ତି। ସେଥିରେ ସୁଶାନ୍ତ ସେ ଓ ତାଙ୍କ ପରିବାର ଉଦ୍ଦେଶ୍ୟରେ କିଛି କଥା ଲେଖିଥିବା ସେ ଦାବି କରିଛନ୍ତି।
ରିୟା କହିଛନ୍ତି, ସୁଶାନ୍ତଙ୍କ ସ୍ମୃତି ଏବଂ ସମ୍ପତ୍ତି ଭାବରେ ତାଙ୍କ ପାଖରେ କେବଳ ଏହି ଡାଏରୀ ଅଛି। ଏଥିରେ ସୁଶାନ୍ତ, ସେ ଏବଂ ତାଙ୍କ ପରିବାର ବିଷୟରେ ଲେଖିଥିଲେ। ସେ ନିଜ ଜୀବନ ପାଇଁ ଆଭାର ପ୍ରକଟ କରିଛନ୍ତି। ଏହାଛଡ଼ା ଲିଲ୍ଲୁ, ବେବୁ, ସାର୍, ମ୍ୟାଡାମ୍ ଏବଂ ଫଜ୍ଙ୍କ ନାମ ମଧ୍ୟ ସେଥିରେ ଉଲ୍ଲେଖ ରହିଛି।
ଏ ନେଇ ସ୍ପଷ୍ଟିକରଣ ଦେଇ ରିୟା କହିଛନ୍ତି, ଲିଲ୍ଲୁ ହେଉଛନ୍ତି ଶୋଭିକ। ବେବୁ ମାନେ ମୁଁ। ସାର୍ ଅର୍ଥ ମୋର ବାପା। ମ୍ୟାଡାମ୍ ମୋ ମା’। ଫଜ୍ ସୁଶାନ୍ତଙ୍କ ପୋଷା କୁକୁରର ନାମ। ତେବେ ରିୟା ନିଜ ଓକିଲ ଜରିଆରେ ଏହି ପୃଷ୍ଠାକୁ ଶେୟାର କରିଛନ୍ତି। ଏହି ଡାଏରୀ ଛଡ଼ା ତାଙ୍କ ପାଖରେ ସୁଶାନ୍ତଙ୍କ ସ୍ମୃତି ଭାବେ ଏକ ସିପର୍ ଅଛି।