ମୁମ୍ବାଇ,୨।୯-ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ସୁଶାନ୍ତଙ୍କ ପରିବାର ଓକିଲ ବିକାଶ ସିଂ ବୁଧବାର ରିୟା ଚକ୍ରବର୍ତ୍ତୀଙ୍କ ଉପରେ ଦୋଷ ଲଦିଛନ୍ତି। ସୁଶାନ୍ତଙ୍କ ମୃତ୍ୟୁ ପଛରେ ରିୟାଙ୍କ ହାତ ଥିବା ସେ ଅଭିଯୋଗ କରିଛନ୍ତି। ସୁଶାନ୍ତଙ୍କ ମାନସିକ ଅବସାଦ ଯଦି ଥିଲା ତେବେ ତାଙ୍କ ପରିବାର ଲୋକ କେମିତି ଜାଣିଲେ ନାହିଁ। ତାଙ୍କର ଡିପ୍ରେସନ ରୋଗ ଥିଲେ ତାହା ସିକ୍ରେଟ ହୋଇ ରହି ନ ଥାନ୍ତା । ସୁଶାନ୍ତଙ୍କୁ ଯେଉଁ ଔଷଧ ଦିଆଯାଇଛି, ତାହା ଦେବା ବାଲା ଜାଣିଛି । ରିୟା ଜାଣିଶୁଣି ସୁଶାନ୍ତଙ୍କ ମାନସିକ ସ୍ଥିତି ବିଗାଡି ଥିଲେ ବୋଲି ବିକାଶ କହିଛନ୍ତି। ଅନ୍ୟପକ୍ଷେ ସୁଶାନ୍ତଙ୍କ ପରିବାରର ବୟାନ ମୁମ୍ବାଇ ପୋଲିସ ମରାଠୀରେ ନେଇଛି। ଜାଣିଶୁଣି ପୋଲିସ ବୟାନ ଲେଖାଇଥିବା ନେଇ ବିକାଶ ସାଂଘାତିକ ଅଭିଯୋଗ ଆଣିଛନ୍ତି।
ପ୍ରକାଶ ଯେ, ସିବିଆଇ ଏହି ମାମଲାର ତଦନ୍ତକୁ ଜୋରଦାର ଚଳାଇଛି।
