ଦୁବାଇ,୨୬।୧୦: ଚଳିତ ଟି୨୦ ବିଶ୍ୱକପ୍ରେ ପାକିସ୍ତାନଠାରୁ ପରାଜିତ ହେବା ପରେ ଭାରତୀୟ ଦଳର ପେସର ମହମ୍ମଦ ଶାମିଙ୍କୁ ଅନଲାଇନ୍ରେ ପ୍ରବଳ ଟ୍ରୋଲର ସମ୍ମୁଖୀନ ହେବାକୁ ପଡ଼ିଛି। ତାଙ୍କ ସପକ୍ଷରେ ବାହାରିଛନ୍ତି ପାକିସ୍ତାନର ଉଇକେଟକିପର ତଥା ଓପନର ମହମ୍ମଦ ରିଜଓ୍ବାନ।
“ଜଣେ ଖେଳାଳିଙ୍କୁ ସର୍ବାଦା ଖୁବ୍ ଚାପ, ସଂଘର୍ଷର ସମ୍ମୁଖୀନ ହେବାକୁ ପଡ଼େ। ମହମ୍ମଦ ଶାମି ଜଣେ ଷ୍ଟାର ଓ ସେ ବିଶ୍ୱର ଜଣେ ଶ୍ରେଷ୍ଠ ବୋଲର। ଦୟାକାରି ନିଜ ଖେଳାଳିଙ୍କୁ ସମ୍ମାନ ଦିଅ। ଏହି ଖେଳ ଲୋକଙ୍କୁ ଏକତ୍ର କରିବା ପାଇଁ” ବୋଲି ରିଜଓ୍ବାନ ଟୁଇଟ୍ କରିଛନ୍ତି। ଏଥିପୂର୍ବରୁ କିମ୍ବଦନ୍ତୀ ସଚିନ ତେନ୍ଦୁଲକର, ଇର୍ଫାନ ପଠାନ ଓ ୟୁଜବେନ୍ଦ୍ର ଚହଲ ଅନଲାଇନ୍ରେ ଶାମିଙ୍କ ଉପରେ ହେଉଥିବା ଅନଲାଇନ୍ ଆକ୍ରମଣକୁ ନିନ୍ଦା କରିଥିଲେ।