ପାଟନା,୧୭।୮: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବୁଧବାର ଆରଜେଡି ସୁପ୍ରିମୋ ଲାଲୁ ଯାଦବଙ୍କୁ ଭେଟିଛନ୍ତି। ବିହାରରେ ସରକାର ଗଠନ ପରେ ଦୁଇ ନେତାଙ୍କ ମଧ୍ୟରେ ଏହା ହେଉଛି ପ୍ରଥମ ଭେଟ। ରାବ୍ରି ଦେବୀଙ୍କ ବାସଭବନକୁ ଯାଇ ନୀତୀଶ ଲାଲୁଙ୍କୁ ଉପହାର ସ୍ବରୂପ ଗୋଲାପ ଫୁଲ ଉପହାର ଦେଇଥିଲେ। ଏହି ସମୟରେ ତେଜସ୍ବୀ ଯାଦବ, ତେଜ ପ୍ରତାପ ଯାଦବ, ମିସା ଭାରତୀ ଏବଂ ବିଜୟ କୁମାର ଚୌଧୁରୀ ଉପସ୍ଥିତ ଥିଲେ। ତେଜସ୍ବୀ ଦୁଇ ନେତାଙ୍କ ମଧ୍ୟରେ ହୋଇଥିବା ସାକ୍ଷାତକାରର ଫଟୋ ତାଙ୍କ ଟୁଇଟର୍ରେ ଶେୟାର କରିଛନ୍ତି।
ସ୍ବାସ୍ଥ୍ୟଗତ ସମସ୍ୟା ଯୋଗୁ ଦିଲ୍ଲୀରେ ରହି ଚିକିତ୍ସିତ ହେଉଥିବା ଲାଲୁ ଯାଦବ ବୁଧବାର ପାଟନାରେ ପହଞ୍ଚିଥିଲେ। ଏହାପୂର୍ବରୁ ସେ ଭାଜପା ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ‘ଏକଛତ୍ରବାଦୀ ଶାସକ’ ଏବଂ ୨୦୨୪ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କ୍ଷମତାରୁ ହଟାଇବୁ ବୋଲି କହିଥିଲେ।
ସୂଚନାଯୋଗ୍ୟ, ଜନତା ଦଲ-ୟୁନାଇଟେଡ (ଜେଡିୟୁ) ନେତା ନୀତୀଶ କୁମାର ଭାଜପା ହାତ ଛାଡି ଆରଜେଡି, କଂଗ୍ରେସ ଏବଂ ଅନ୍ୟ ଦଳ ସହିତ ମିଶି ବିହାରରେ ସଟକାର ଗଠନ କରିଥିଲେ।
आदरणीय मुख्यमंत्री श्री @NitishKumar जी राष्ट्रीय अध्यक्ष आदरणीय श्री @laluprasadrjd जी मिलने पहुँचे। pic.twitter.com/dHVbTHc0pS
— Tejashwi Yadav (@yadavtejashwi) August 17, 2022
