ରୋଡ୍ ସେଫ୍ଟି ଓ୍ବାଲର୍ଡ ସିରିଜ୍ରେ ଇଣ୍ଡିଆ ଲିଜେଣ୍ଡ୍ସ୍ ଚାମ୍ପିୟନ ହୋଇଛି। ରବିବାର ଅନୁଷ୍ଠିତ ଫାଇନାଲ ମ୍ୟାଚ୍ରେ ଇଣ୍ଡିଆ ୧୪ ରନ୍ରେ ଶ୍ରୀଲଙ୍କା ଲିଜେଣ୍ଡ୍ସକୁ ପରାସ୍ତକରି ଟାଇଟେଲ ହାସଲ କରିଛି। ୟୁସୁଫ ପଠାନଙ୍କ ଭଲ ପ୍ରଦର୍ଶନ ଯୋଗୁ ଇଣ୍ଡିଆ ୧୪ ରନ୍ରେ ଏହି ମ୍ୟାଚ୍ ଜିତିପାରିଥିଲା। ପଠାନ ପ୍ରଥମେ ୬୨ ରନ୍ର ଅପରାଜିତ ଇନିଂସ ଖେଳିଥିଲେ ଏବଂ ପରେ ୨ଟି ଗୁରୁତ୍ୱପୂର୍ଣ୍ଣ ଓ୍ବିକେଟ୍ ନେଇଥିଲେ। ତାଙ୍କ ସହ ଯୁବରାଜ ସିଂହ ମଧ୍ୟ ଭଲ ପ୍ରଦର୍ଶନ କରିଥିଲେ। ତାଙ୍କୁ ଚିୟର କରିବା ପାଇଁ ଜଣେ ଛୋଟ ଛିଅ ଷ୍ଟାଡିୟମ୍ରେ ବସିଥିଲେ। ଯେତେବେଳେ ଯୁବରାଜ ବ୍ୟାଟିଂ କରିବାକୁ ବାହାରିଥିଲେ ଛୋଟ ଝିଅଟି ଅତି ସୁନ୍ଦର ଭାବେ ତାଙ୍କୁ ଚିୟର କରିବାକୁ ଲାଗିଥିଲେ। ନିଜେ ଯୁବରାଜ ଏହାର ଭିଡିଓ ଟୁଇଟର ଆକାଉଣ୍ଟରେ ଶେୟାର କରିଛନ୍ତି।
ଭିଡିଓରେ ଦେଖିବାକୁ ମିଳୁଛି ଯେ, ଷ୍ଟାଡିୟମ୍ରେ ଲୋକଙ୍କ ମଧ୍ୟରେ ଜଣେ ଛୋଟ ଝିଅଟି ବସିଛି। ଯେତେବେଳେ ୟୁବରାଜ ବ୍ୟାଟିଂ କରିବାକୁ ଆସୁଛନ୍ତି ଝିଅଟି ୟୁଭି..ୟୁବି କରି ଚିତ୍କାର କରୁଛନ୍ତି।
ଯୁବରାଜ ଅନ୍ତର୍ଜାତୀୟ କ୍ରିକେଟରୁ ଅବସର ନେଇସାରିଥିଲେ ମଧ୍ୟ, ଯେତେବେଳେ ସେ ପଡ଼ିଆକୁ ଓହ୍ଲାଉଛନ୍ତି ପ୍ରଶଂସକମାନେ ଉତ୍ସାହିତ ହୋଇପଡ଼ୁଛନ୍ତି। ଏଥର ମଧ୍ୟ ଠିକ୍ ସେମିତି କିଛି ଦେଖିବାକୁ ମିଳୁଛି।