ଅହମ୍ମଦାବାଦ,୫।୧୨: ସୋମବାର ଗୁଜୁରାଟର ଦ୍ୱିତୀୟ ପର୍ଯ୍ୟାୟ ମତଦାନ ଚାଲିଛି। ଏହି ସମୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ମତଦାନ ଦିନ ରୋଡ ଶୋ’ ଅନୁମତିପ୍ରାପ୍ତ ନୁହେଁ, କିନ୍ତୁ ପ୍ରଧାନମନ୍ତ୍ରୀ ମୋଦି ଏବଂ ତାଙ୍କ ଦଳ, ସେମାନେ ସବୁ କିଛି କରିପାରିବେ ହେଲେ ସେମାନଙ୍କର କେହି କିଛି କରିପାରିବେ ନାହିଁ। ସୋମବାର ଅହମ୍ମଦାବାଦ ସହରର ଏକ ମତଦାନ ବୁଥରେ ପ୍ରଧାନମନ୍ତ୍ରୀ ମୋଦି ନିଜ ମତବ୍ୟସ୍ତ କରିଛନ୍ତି।
ସୋମବାରଠାରୁ ଚାରି ଦିନିଆ ଦିଲ୍ଲୀ ଗସ୍ତରେ ଯିବେ ମମତା ବାନାର୍ଜୀ। ଦିଲ୍ଲୀରେ ଅବତରଣ କରିବା ପରେ ସେ ସିଧାସଳଖ ରାଷ୍ଟ୍ରପତି ଭବନକୁ ଯିବେ। ତେବେ ଜି -୨୦ ଲୋଗୋକୁ ନେଇ ବିବାଦ ଉପରେ ସେ କହିଛନ୍ତି ଯେ, ଯଦିଓ ପଦ୍ମ ଆମର ଜାତୀୟ ଫୁଲ, ଏହା ମଧ୍ୟ ଏକ ରାଜନୌତିକ ଦଳର ଲୋଗୋ, ତେଣୁ ଏହାକୁ ଜି -୨୦ ଲୋଗୋ ଭାବରେ ବ୍ୟବହାର କରାଯିବା ଉଚିତ ନୁହେଁି। କେନ୍ଦ୍ର ଜି -୨୦ ଲୋଗୋ ପାଇଁ ପଦ୍ମ ବ୍ୟତୀତ ଅନ୍ୟ କୌଣସି ଜାତୀୟ ପ୍ରତୀକ ବ୍ୟବହାର କରିପାରିବ ବୋଲି ମମତା କହିଛନ୍ତି।
