ପର୍ଥ,୩୧।୧୦: ଟି-୨୦ ବିଶ୍ୱକପ ୨୦୨୨ରେ ଭାରତୀୟ ଦଳକୁ ଗତକାଲି ରାତିରେ ଦକ୍ଷିଣ ଆଫ୍ରିକା ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ଏହି ପରାଜୟ ଦ୍ୱାରା ଭାରତୀୟ ଦଳ ଅଧିକ ଅସୁବିଧାରେ ପଡ଼ିବ ନାହିଁ କାରଣ ଦଳ ପରବର୍ତ୍ତୀ ଦୁଇଟି ମ୍ୟାଚ ଜିତି ସହଜରେ ସେମିଫାଇନାଲରେ ପ୍ରବେଶ କରିପାରିବ। କିନ୍ତୁ ଯଦି ଏଠାରେ ଗୋଟିଏ ମାତ୍ର ଅଡୁଆ ହେଉଛି ବର୍ଷା। ଯଦି ବର୍ଷା ଯୋଗୁ ଏହି ୨ ମ୍ୟାଚ୍ ରଦ୍ଦ ହୋଯାଏ ତେବେ ଭାରତର ଅଡୁଆ ବଢିପାରେ।
ଯଦି ଭାରତ ବାଂଲାଦେଶଠାରୁ ହାରିଯାଏ
ସୁପର-୧୨ ରାଉଣ୍ଡର ଶେଷ ଦୁଇଟି ମ୍ୟାଚ ଟିମ ଇଣ୍ଡିଆକୁ ବାଂଲାଦେଶ ଏବଂ ଜିମ୍ବାୱେ ବିପକ୍ଷ ଖେଳିବାକୁ ପଡିବ। ଯଦି ଏଠାରେ ଭାରତୀୟ ଦଳ ବାଂଲାଦେଶଠାରୁ ହାରିଯାଏ, ତେବେ ବାଂଲାଦେଶ ଦଳ ୬ ପଏଣ୍ଟ ପାଇବ। ଯଦି ବାଂଲାଦେଶ ପାକିସ୍ତାନକୁ ମଧ୍ୟ ପରାସ୍ତ କରେ, ତେବେ ଦଳ ପଏଣ୍ଟ ଟେବୁଲରେ ଟିମ ଇଣ୍ଡିଆଠାରୁ ଆଗରେ ରହି ସେମିଫାଇନାଲରେ ପ୍ରବେଶ କରିପାରିବେ। ଯଦି ବାଂଲାଦେଶ ଦଳ ପାକିସ୍ତାନଠାରୁ ହାରିଯାଏ ଏବଂ ପାକିସ୍ତାନ ଦଳ ଦକ୍ଷିଣ ଆଫ୍ରିକାକୁ ପରାସ୍ତ କରେ, ତେବେ ପାକିସ୍ତାନ ଦଳ ୬ ପଏଣ୍ଟ ଏବଂ ଉନ୍ନତ ରନ ହାର ଆଧାରରେ ଭାରତଠାରୁ ଆଗରେ ରହିବାର ସୁଯୋଗ ପାଇବ। ଅର୍ଥାତ୍ ଯଦି ଭାରତୀୟ ଦଳ ବାଂଲାଦେଶ ସହିତ ପରବର୍ତ୍ତୀ ମ୍ୟାଚ ହାରିଯାଏ, ତେବେ ପାକିସ୍ତାନ କିମ୍ବା ବାଂଲାଦେଶର ସେମିଫାଇନାଲରେ ପ୍ରବେଶ କରିବାର ସମ୍ଭାବନା ବଢିପାରେ।
ଯଦି ଭାରତ ଜିମ୍ବାୱେଠାରୁ ହାରିଯାଏ
ଯଦି ଭାରତୀୟ ଦଳ ବାଂଲାଦେଶରୁ ଜିତେ କିନ୍ତୁ ଜିମ୍ବାୱେକୁ ହାରିଯାଏ, ତେବେ ଏହି ପରିସ୍ଥିତିରେ ଜିମ୍ବାୱେ ଦଳର ଦକ୍ଷିଣ ଆଫ୍ରିକା ସହିତ ସେମିଫାଇନାଲରେ ପ୍ରବେଶ କରିବାର ସମ୍ଭାବନା ରହିବ। ତେବେ ଏଥିପାଇଁ ଜିମ୍ବାୱେକୁ ପୂର୍ବରୁ ନେଦରଲାଣ୍ଡ୍ସକୁ ପରାସ୍ତ କରିବାକୁ ପଡିବ। ଏହି ପରିସ୍ଥିତିରେ ଭାରତ ମାତ୍ର ୬ ପଏଣ୍ଟ ସହ ଜିମ୍ବାୱେ ୭ ପଏଣ୍ଟ ସହ ସେମିଫାଇନାଲରେ ରହିବ।
ଯଦି ବର୍ଷା ଖେଳକୁ ନଷ୍ଟ କରିଦିଏ
ଆଗାମୀ ଦିନରେ ଅଷ୍ଟ୍ରେଲିଆରେ ମଧ୍ୟ ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି। ଯଦି ଭାରତୀୟ ଦଳର ପରବର୍ତ୍ତୀ ଦୁଇଟି ମ୍ୟାଚ ବର୍ଷା ଦ୍ୱାରା ଧୋଇଯାଏ, ତେବେ ଭାରତକୁ ମାତ୍ର ୬ ପଏଣ୍ଟରେ ସନ୍ତୁଷ୍ଟ ରହିବାକୁ ପଡିବ। ଏଭଳି ପରିସ୍ଥିତିରେ ମଧ୍ୟ ପାକିସ୍ତାନ, ବାଂଲାଦେଶ କିମ୍ବା ଜିମ୍ବାୱେ ଦଳ ଦକ୍ଷିଣ ଆଫ୍ରିକା ସହିତ ସେମିଫାଇନାଲରେ ପ୍ରବେଶ କରିପାରିବେ।