ଚୌଦ୍ୱାର,୧୬।୭(ଡ଼ି.ଏନ୍.ଏ): ଚୌଦ୍ୱାର ପୌରପାଳିକାର ୧୧ନମ୍ବର ୱାର୍ଡ ରାଧାମୋହନ ମନ୍ଦିର ସମ୍ମୁଖ ରାସ୍ତାଟି ଆଜିକୁ ଦୀର୍ଘଦିନ ହେବ ଖାଲଖମା ହୋଇ ପଡିରହିଥିଲା। ଉକ୍ତ ରାସ୍ତା ଦେଇ ଲୋକଙ୍କୁ ଯିବା ଆସିବା କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ୁଥିଲା। ପ୍ରଶାସନଙ୍କୁ ଏନେଇ ବାରମ୍ବାର ଅବଗତ କରାଯାଇଥିଲେ ମଧ୍ୟ ଏହାର ମରାମତି ପାଇଁ କୌଣସି ପଦକ୍ଷେପ ନିଆଯାଉ ନ ଥିଲା। ତେଣୁ ଏହାକୁ ଦୃଷ୍ଟିରେ ରଖି ଉକ୍ତ କଲୋନୀର ଅଗ୍ରଣୀ ଯୁବ ଅନୁଷ୍ଠାନ ସ୍ବାମୀ ବିବେକାନନ୍ଦ ସୋସିଆଲ ଡେଭଲପ୍ମେଣ୍ଟର କର୍ମକର୍ତ୍ତାମାନେ ଗୁରୁବାର ନିଜସ୍ବ ଉଦ୍ୟମରେ ରାସ୍ତା ମରାମତି କରିଛନ୍ତି। ଏହି କାର୍ଯ୍ୟରେ ଅଶ୍ୱିନୀ କୁମାର ଜେନା, ଭାସ୍କର ରାଉତରାୟ, ଭୀମସେନ ବିଶ୍ୱାଳ, ବାବାଜୀ ପଣ୍ଡା, ବିମ୍ବାଧର ପଟ୍ଟନାୟକ, ସୁଶାନ୍ତ ପୃଷ୍ଟିଙ୍କ ସମେତ ସଂଗଠନର ସଦସ୍ୟମାନେ ସହଯୋଗ କରିଥିଲେ। ତେବେ ସଂଗଠନର ଏଭଳି ଉଦ୍ୟମକୁ ଅଞ୍ଚଳବାସୀ ପ୍ରଶଂସା କରିଛନ୍ତି ।