କେନ୍ଦୁଝର,୧୦ା୮(ସ୍ବ.ପ୍ର.): ତୁରନ୍ତ ନିର୍ବାଚନ କରିବା ଦାବିରେ କେନ୍ଦୁଝର ଜିଲା ଟ୍ରକ୍ ମାଲିକମାନେ ସଂଘ କାର୍ଯ୍ୟାଳୟ ସମ୍ମୁଖରେ ବୁଧବାର ରାସ୍ତା ଅବରୋଧ କରିଥିଲେ। ଏଥିରେ ବିଭିନ୍ନ ଅଞ୍ଚଳରୁ ଆସିଥିବା ଟ୍ରକ୍ମାଲିକମାନେ ସାମିଲ ହୋଇଥିଲେ। ଟ୍ରକ୍ମାଲିକଙ୍କ ଏକ ପ୍ରତିନିଧି ଦଳ ଅତିରିକ୍ତ ଜିଲାପାଳଙ୍କୁ ସାକ୍ଷାତ କରି ସଂଘ ସମ୍ବିଧାନ ଆଇନ ଅନୁଯାୟୀ, ଯଥାଶୀଘ୍ର ପୂର୍ବତନ ସଂଘ କର୍ମକର୍ତ୍ତାଙ୍କଠାରୁ ଦାୟିତ୍ୱ ନେଇ ପ୍ରଶାସନ କିମ୍ବା ଉପଦେଷ୍ଟା ମଣ୍ଡଳୀଙ୍କୁ ହସ୍ତାନ୍ତର କରିବା, ନିର୍ଦ୍ଧାରିତ ସମୟରେ ନିର୍ବାଚନ କରାଇବା ନେଇ ଜଣାଇଥିଲେ। ଏହାକୁ ନେଇ ଅତିରିକ୍ତ ଜିଲାପାଳ ଯଦୁମଣି ମହଲା ୧୫ ତାରିଖ ପରେ ଜିଲା ପ୍ରଶାସନ ପକ୍ଷରୁ ନିର୍ବାଚନ କରାଇବାକୁ ଆଦେଶ ଦେବା କହିବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା ବୋଲି ଟ୍ରକ୍ ମାଲିକ ଅୟସକାନ୍ତ ପଟ୍ଟନାୟକ କହିଛନ୍ତି। ଏଥିରେ ପୂର୍ବତନ ସଭାପତି ରାମଚନ୍ଦ୍ର ଭୂୟାଁ, ସମ୍ପାଦକ ପ୍ରଦୀପ ବାରିକ୍, ଅୟସକାନ୍ତ ପଟ୍ଟନାୟକ, ପୂର୍ବତନ ଉପସଭାପତି ରାମଚନ୍ଦ୍ର ରାଉତ, ପୂର୍ବତନ କର୍ମକର୍ତ୍ତା ରୁଦ୍ର ନାରାୟଣ ମିଶ୍ର, ନିହାର ଦାଶ ପ୍ରମୁଖ ସାମିଲ ଥିଲେ।
