ଛତ୍ରପୁର,୧୭।୯(ଡି.ଏନ୍.ଏ.): ଋଷିକୁଲ୍ୟା ନଦୀବନ୍ଧ ପ୍ରକଳ୍ପ କାର୍ଯ୍ୟ ଲାଗି ଲକ୍ଷ ଲକ୍ଷ ଟଙ୍କାର କାଜୁଗଛ ନଷ୍ଟ ହୋଇଛି । ଏହାର କ୍ଷତିପୂରଣ ଦାବିରେ ଶନିବାର ପୋଟଲାମପୁର ଜଳସେଚନ କାର୍ଯ୍ୟାଳୟ ଆଗରେ ଚାଷୀମନେ ଧାରଣା ଦେଇ ରାସ୍ତାରୋକୋ କରିଛନ୍ତି। ପୋଟଲାମପୁର ପାଣି ପଞ୍ଚାୟତ ଅଧୀନ ଋଷିକୁଲ୍ୟା ନଦୀବନ୍ଧ ପ୍ରକଳ୍ପ କାର୍ଯ୍ୟ ଚାଲିଛି।। ଏହି କାର୍ଯ୍ୟ କରୁଥିବା ସ୍ବପନେଶ୍ୱର ପ୍ରାଇଭେଟ ଲିମିଟେଡ଼ ନାମକ ଏକ ଠିକା କମ୍ପାନୀ ଋଷିକୁଲ୍ୟା ନଦୀରେ ନଦୀବନ୍ଧ ପ୍ରକଳ୍ପ କାର୍ଯ୍ୟ କରିବା ପାଇଁ କାର୍ଯ୍ୟାଦେଶ ପାଇଛନ୍ତି । ସ୍ଥାନୀୟ କୌଣସି ଚାଷୀ ଓ ଜମି ମାଲିକଙ୍କୁ ଅବଗତ ନ କରାଇ ଜମି ଜୋରଜବରଦସ୍ତ ଅଧିଗ୍ରହଣ କରି ସେଥିରେ ଥିବା ଲକ୍ଷ ଲକ୍ଷ ଟଙ୍କାର କାଜୁଗଛ ଓ ବହୁ ମୂଲ୍ୟବାନ୍ ଗଛ ନଦୀ ଡିହରେ ଥିବା ବେଳେ ବିରାଟ ବିରାଟ ବୃକ୍ଷକୁ କାଟି ଫୋପାଡ଼ି ଦେଇଥିବା ଦେଖାଦେଇଛି । ଏ ନେଇ ଚାଷୀମାନଙ୍କ କ୍ଷତିପୂରଣ ଦାବିରେ ଅଗଷ୍ଟ ୩୧ ତାରିଖରେ ପୋଟଲାମପୁର କୃଷକ ସଙ୍ଘ
ପକ୍ଷରୁ କାର୍ଯ୍ୟବନ୍ଦ ଆନ୍ଦୋଳନ ଆରମ୍ଭ କରିଥିଲେ।