ଭାରତୀୟ ବ୍ୟାଟ୍ସମ୍ୟାନ ରବିନ ଉଥାପ୍ପା ଦୀର୍ଘ ଦିନ ଧରି ଭାରତୀୟ ଦଳରୁ ବାହାରେ ରହିଛନ୍ତି କିନ୍ତୁ ତାଙ୍କ ବ୍ୟାଟ ଆଇପିଏଲରେ ଚାଲିଛି। ଏବେ ଲକ୍ଡାଉନ୍ରେ ରବିନ ତାଙ୍କ ପରିବାର ସହ ସମୟ ବିତାଉଛନ୍ତି। ରବିନ ପୂର୍ବତନ ଟେନିସ ଖେଳାଳି ଶିତଲ ଗୌତମଙ୍କୁ ବିବାହ କରିଛନ୍ତି ଏବଂ ସେମାନଙ୍କର ଉଭୟଙ୍କର ନୀଲ ନୋଲାନ ଉଥାପ୍ପା ନାମକ ଏକ ପୁଅ ଅଛି। ରବିନଙ୍କ ପ୍ରେମ କାହାଣୀ ବେଶ୍ ରୋଚକ ଥିଲା। ପରସ୍ପରକୁ ଡେଟ୍ କରିବାର ଆଠ ବର୍ଷ ପରେ ବିବାହ କରିଥିଲେ।
ଶିତଲ ଜଣେ ହିନ୍ଦୁ ହୋଇଥିବାବେଳେ ରବିନ ଉଥାପ୍ପା ଜଣେ ଖ୍ରୀଷ୍ଟିଆନ। ଉଭୟ ପ୍ରଥମେ ୨୦୦୯ରେ ଏକ ପାର୍ଟିରେ ସାକ୍ଷାତ ହୋଇଥିଲେ। ପ୍ରଥମ ଦେଖାରେ ରବିନ ଶିତଲଙ୍କ ପ୍ରେମରେ ପଡିଥିଲେ। ଉଭୟ ଏହି ସମ୍ପର୍କକୁ ବିବାହ ସ୍ଥିତିକୁ ଆଣିବାକୁ ଚାହୁଁଥିଲେ। ତେବେ ଉଭୟ ଭିନ୍ନ ଧର୍ମର ହୋଇଥିବାରୁ ଅନେକ ଅସୁବିଧା ହୋଇଥିଲା। ପରିବାରକୁ ମନାଇବା ପାଇଁ ସମୟ ଲାଗିଲା। ପରେ ଉଭୟ ପରିବାର ରାଜି ହୋଇଥିଲେ। ଉଭୟ ନିଜ ପରିବାରକୁ ଖୁସି କରିବା ପାଇଁ ଦୁଇ ପ୍ରକାରର ରୀତିନୀତି ସହିତ ବିବାହ କରିଥିଲେ। ପ୍ରଥମ ଖ୍ରୀଷ୍ଟିଆନ ଧର୍ମ ଅନୁଯାୟୀ ସେମାନେ ୩ ମାର୍ଚ୍ଚ ୨୦୧୬ରେ ବିବାହ କରିଥିଲେ ଏବଂ ସେହିଦିନ ସାରେ ଏକ ଗ୍ରାଣ୍ଡ ରିସେପ୍ସନ ଦେଇଥିଲେ। ଏହାପରେ ମାର୍ଚ୍ଚ ୧୧ରେ, ସେମାନେ ହିନ୍ଦୁ ଧର୍ମର ରୀତିନୀତି ଅନୁଯାୟୀ ବିବାହ କରିଥିଲେ।