ଲଣ୍ଡନ,୨୧।୭: ଆସନ୍ତା ୪ ତାରିଖରୁ ଟ୍ରେଣ୍ଟ ବ୍ରିଜଠାରୁ ଆରମ୍ଭ ହେବାକୁ ଥିବା ଭାରତ ବିପକ୍ଷ ଟେଷ୍ଟ ସିରିଜ୍ର ପ୍ରଥମ ଦୁଇ ମ୍ୟାଚ୍ ଲାଗି ବୁଧବାର ଘୋଷିତ ହୋଇଯାଇଛି ଇଂଲଣ୍ଡ ଦଳ। ଇଂଲଣ୍ଡ ଦଳକୁ ଫେରିଛନ୍ତି ଓଲି ରବିନସନ। ପ୍ରାୟ ୯ ବର୍ଷ ତଳେ ଜାତିଭେଦ ଉପରେ କରିଥିବା ଟୁଇଟ୍ କରାଣରୁ ପଦାର୍ପଣ ମ୍ୟାଚ୍ ପରେ ତାଙ୍କୁ ବାସନ୍ଦ କରାଯାଇଥିଲା।
୨୭ ବର୍ଷୀୟ ଖେଳାଳି ଗତ ଜୁନରେ ନ୍ୟୁଜିଲାଣ୍ଡ ବିପକ୍ଷରେ ଲଡର୍ସଠାରେ ପଦାର୍ପଣ କରିଥିଲେ। ଏହି ମ୍ୟାଚ୍ ବେଳେ ୨୦୧୩ରେ ସେ ଟୁଇଟ୍ କରିଥିବା ପୋଷ୍ଟ ଭାଇରାଲ ହୋଇଥିଲା। ଏଥି ଯୋଗୁ ତାଙ୍କୁ ୮ ମ୍ୟାଚ୍ରୁ ବାସନ୍ଦ କରାଯାଇଥିଲା। କିନ୍ତୁ ବାସନ୍ଦାଦେଶକୁ ୩ ମ୍ୟାଚ୍ ମଧ୍ୟରେ ସୀମିତ ରଖାଯିବାରୁ ଭାରତ ବିପକ୍ଷରେ ଖେଳିବା ପାଇଁ ସେ ଉପଲବ୍ଧ ହୋଇଛନ୍ତି।
ପଦାର୍ପଣ ମ୍ୟାଚ୍ରେ ୭ ଉଇକେଟ ନେବା ସହ ୪୨ ରନ୍ର ଉପଯୋଗୀ ଇନିଂସ ଖେଳିଥିଲେ ରବିନସନ। ହେଲେ ତାଙ୍କ ଅନୁପସ୍ଥିତିରେ ଗତ ୭ ବର୍ଷ ମଧ୍ୟରେ ଘରୋଇ ପରିବେଶରେ ପ୍ରଥମ ଥର ପାଇଁ ଇଂଲଣ୍ଡ ଟେଷ୍ଟ ସିରିଜ୍ରେ ପରାଜୟ ବରଣ କରିଥିଲା।
