ଅହମ୍ମଦାବାଦ: ଅହମ୍ମଦାବାଦ ସରକାରୀ ପଲିଟେକ୍ନିକ୍ କଲେଜର ଇନ୍ଷ୍ଟ୍ରୁମେଣ୍ଟେଶନ୍ ଆଣ୍ଡ୍ କଣ୍ଟ୍ରୋଲ୍ ଇଞ୍ଜିନିୟରିଂ ବିଭାଗର ୬ ଜଣ ଛାତ୍ର ଏକ ରୋବୋ ପ୍ରୋଟୋଟାଇପ୍ ପ୍ରସ୍ତୁତ କରିଛନ୍ତି। ଏହା କ୍ୟାମେରା ସାହାଯ୍ୟରେ ବିଭିନ୍ନ ବୋର୍ୱେଲ୍ରେ ପଡ଼ିଯାଉଥିବା ଶିଶୁମାନଙ୍କୁ ବଞ୍ଚାଇବାରେ ସାହାଯ୍ୟ କରିପାରିବ। ପ୍ରୋଜେକ୍ଟ କରିଥିବା ଜଣେ ଛାତ୍ର କହିଛନ୍ତି, ନିକଟ ଅତୀତରେ ଅନେକ ଶିଶୁ ବୋର୍ୱେଲ୍ରେ ପଡ଼ି ଜୀବନ ହରାଇଛନ୍ତି। ତେଣୁ ଆମେ ଏନେଇ ଏକ ରୋବୋ ବିକଶିତ କରିବାକୁ ଚିନ୍ତା କରି ଟେକ୍ନୋଲୋଜିର ବ୍ୟବହାରରେ ଏହାର କାର୍ଯ୍ୟ ଆରମ୍ଭ କରିଥିଲୁ। ଉକ୍ତ ରୋବୋରେ ୱାଇଫାଇ କ୍ୟାମେରା ଏବଂ କଣ୍ଟ୍ରୋଲର ବ୍ୟବହୃତ ହୋଇଛି, ଯାହା ମାଧ୍ୟମରେ ରିଅଲ ଟାଇମ୍ ଡାଟା ଉପଲବ୍ଧ ହୋଇପାରିବ। ଏହି ରୋବୋ ବୋର୍ଓ୍ବେଲ୍ର ୨୩ ଫୁଟ ପର୍ଯ୍ୟନ୍ତ ଗଭୀରକୁ ଯାଇ ତଥ୍ୟ ପ୍ରଦାନ କରିପାରିବ। ୱାଇଫାଇ କ୍ୟାମେରା ସାହାଯ୍ୟରେ ଏହା ବୋର୍ଓ୍ବେଲ୍ ମଧ୍ୟରେ ଫସି ରହିଥିବା ଶିଶୁର ସ୍ଥିତିକୁ ଜଣାଇପାରିବ।