ବମ୍ବେ: ମା’ ହୋଇଛନ୍ତି ଟେଲି ପରଦାର ଆଉ ଜଣେ ଅଭିନେତ୍ରୀ। ବିଗ୍ବସ୍ ଏବଂ ଦ କପିଲ ଶର୍ମା ଶୋ’ରେ ନଜର ଆସିଥିବା ରୋଚେଲ ରାଓଙ୍କ ଘରକୁ ରାଜକୁମାରୀ ଆସିଛି। ଏନେଇ ରୋଚେଲ ଏବଂ ସ୍ବାମୀ କିଟ୍ ସେକିରା ସୋସିଆଲ ମିଡିଆରେ ପୋଷ୍ଟ କରି ପ୍ରଶଂସକଙ୍କୁ ଜଣାଇଛନ୍ତି। ଅପରପକ୍ଷେ ମା’ ଓ ଶିଶୁକନ୍ୟା ସୁସ୍ଥ ଥିବା ଯୋଗୁ ଦୁହିଁଙ୍କୁ ଡାକ୍ତରଖାନାରୁ ଛୁଟି ମିଳିଛି। କ୍ୟାମେରାରେ ରୋଚେଲ ଝିଅକୁ ନେଇ ଘରକୁ ଯାଉଥିବାର ଦୃଶ୍ୟ କଏଦ ହୋଇଛି। ରୋଚେଲ ଏବଂ କିଟ୍ ୨୦୧୮ରେ ବିବାହ କରିଥିଲେ। ବିବାହର ୫ ବର୍ଷ ପରେ ଦୁହେଁ ମାତାପିତା ହୋଇଛନ୍ତି। ଏହି ଖୁସିଖବର ଜଣାପଡ଼ିବା ପରେ ସାଥୀ କଳାକାରଙ୍କ ସହ ପ୍ରଶଂସକମାନେ ଅଭିନନ୍ଦନ ଜଣାଉଛନ୍ତି।
