ବାଗଦାଦ,୨୬।୧: ଇରାକ ପାର୍ଲାମେଣ୍ଟ ସ୍ପିକର ମୋହମ୍ମଦ ଅଲ-ହଲବୁସୀଙ୍କ ଘର ଉପରକୁ ରକେଟ ମାଡ ହୋଇଛି। ଏହି ଘଟଣାରେ ସ୍ପିକରଙ୍କ ସ୍ଥିତି ସ୍ପଷ୍ଟ ହୋଇ ନ ଥିବା ବେଳେ ୨ ଛୁଆ ଗୁରୁତର ହୋଇଥିବା ଜଣାଯାଇଛି। ମଙ୍ଗଳବାର ବିଳମ୍ବିତ ରାତିରେ ହି ଘଟଣା ଘଟିଥିବା ଜଣାପଡିଛି। ମୋହମ୍ମଦ ଅଲ-ହଲବୁସୀଙ୍କ ଘରଠୁ ପ୍ରାୟ ୫ଶହ ମିଟର ଦୂରରେ ପଡିଛି ୩ଟି ରକେଟ ପଡିଥିବା ଦେଖିବାକୁ ମିଳିଥିଲା। ୪୧ ବର୍ଷୀୟ ହଲବୁସି ଜଣେ ସୁନି ନେତା ହୋଇଥିବା ବେଳେ ୨୦୧୮ ମସିହାରୁ ଇରାକ ପାର୍ଲାମେଣ୍ଟର ଅଧ୍ୟକ୍ଷତା କରୁଛନ୍ତି। ଏହି ଦୁର୍ଘଟଣାରେ ଗୁରୁତର ୨ ଶିଶୁଙ୍କୁ ଗୁରମାସ୍ଥିତ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ, ମୋହମ୍ମଦ ଅଲ-ହଲବୁସୀଙ୍କୁ ଦ୍ୱିତୀୟ ଥର ପାଇଁ ସ୍ପିକର ରୂପେ ବଛା ଯାଇଥିବା ବେଳେ ଏନେଇ ଇରାକର ସର୍ବୋଚ୍ଚ ଅଦାଲତ ପକ୍ଷରୁ ଗତକାଲି ଘୋଷଣା କରାଯାଇଥିଲା। ଏହି ଘୋଷଣାର କିଛି ସମୟ ପରେ ଏହି ଆକ୍ରମଣ ହୋଇଛି। ପୋଲିସ ଘଟଣାର ତଦନ୍ତ ଆରମ୍ଭ କରିଛି।