ଅଡ଼ବା,୨୧ା୭(ଇମ୍ରାନ୍ ଖାନ୍): ଗଜପତି ଜିଲା ମୋହନା ବ୍ଲକ ଅଞ୍ଚଳରେ ଲଗାଣ ବର୍ଷା ଜାରି ରହିଛି। ବର୍ଷା ଯୋଗୁ ବ୍ଲକ ଅନ୍ତର୍ଗତ ବିରିକୋଟ ପଞ୍ଚାୟତ ହରଭଙ୍ଗି ଡ୍ୟାମ ନିକଟ ପାହାଡ଼ରୁ ସୋମବାର ପୂର୍ବାହ୍ନରେ ପଥର ଧସି ରାସ୍ତା ଅବରୋଧ ହୋଇଥିଲା। ଫଳରେ ଉକ୍ତ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଥିଲା। ରାଜବାସ, ଗୁଡ଼ି ସାହି ଓ ପୋଇପାଣି ଆଦି ୩ ଖଣ୍ଡ ଗାଁ ଲୋକେ ବିରିକୋଟ ପଞ୍ଚାୟତକୁ ଲୋକ ଚାଊଳ ଆଣିବା ପାଇଁ ଯିବା ସମୟରେ ଅସୁବିଧାର ସମ୍ମୁଖୀନ ହୋଇଥିଲେ। ଘଟଣାସ୍ଥଳକୁ ପୋଲିସ କିମ୍ବା ପ୍ରଶାସନ ଯିବା ପୂର୍ବରୁ ଲୋକେ ରାସ୍ତାରୁ ପଥର ହଟାଇ ଯା’ଆସ କରିଥିବା ଦେଖାଯାଇଥିଲା।