ଓଭାଲ,୫।୯: ଟିମ୍ ଇଣ୍ଡିଆର ଓପନର ରୋହିତ ଶର୍ମା ଶନିବାର ଓଭାଲ ଟେଷ୍ଟର ଦ୍ୱିତୀୟ ଇନିଂସରେ ଶତକ ହାସଲ କରି ଏକାଧିକ ରେକର୍ଡ କରିଛନ୍ତି। ରୋହିତଙ୍କ କ୍ୟାରିୟରର ଏହା ଅଷ୍ଟମ ଟେଷ୍ଟ ଶତକ। ଏହାପୂର୍ବର ୭ ଶତକ ସେ ଭାରତରେ ସ୍କୋର କରିଥିଲେ। ତେବେ ଏହି ଶତକ ସହ ରୋହିତ ଇଂଲଣ୍ଡରେ ସବୁଠାରୁ ଅଧିକ ଅନ୍ତର୍ଜାତୀୟ ଶତକ ହାସଲ କରିଥିବା ଭାରତୀୟ ବ୍ୟାଟ୍ସମ୍ୟାନ ପାଲଟିଛନ୍ତି। ଏଥିସହ ସେ ଭ୍ରମଣକାରୀ ବ୍ୟାଟ୍ସମ୍ୟାନ୍ ଭାବେ ଅନ୍ୟ ଏକ ରେକର୍ଡ କରିଛନ୍ତି। ଇଂଲଣ୍ଡର ସାତୋଟି ଭିନ୍ନ ଗ୍ରାଉଣ୍ଡରେ ଶତକ ହାସଲ କରିଥିବା ପ୍ରଥମ ଭ୍ରମଣକାରୀ ବ୍ୟାଟ୍ସମ୍ୟାନ୍ ସେ ହୋଇଛନ୍ତି। ତାଙ୍କ ପୂର୍ବରୁ ଏହି କୀର୍ତ୍ତିମାନେ କେହି କରିନାହାନ୍ତି। ରୋହିତ ଇଂଲଣ୍ଡରେ ୯ ଶତକ ହାସଲ କରିଛନ୍ତି। ସେଥିରୁ ୭ ଦିନିକିଆରେ, ଟେଷ୍ଟ କ୍ରିକେଟ-ଟି ୨୦ରେ ଗୋଟିଏ ଲେଖାଏ ରହିଛି। ଓଭାଲରେ ନିଜର ୮ମ ଶତକ ହାସଲ କରିବା ପୂର୍ବରୁ ରୋହିତ ଇଂଲଣ୍ଡର ୬ଟି ସ୍ଥାନରେ ୮ ଥର ଶତକ କରିଥିଲେ।