ଓଭାଲ,୪।୯: ଚଳିତ ଓଭାଲ ଟେଷ୍ଟର ତୃତୀୟ ଦିନରେ ଭାରତୀୟ ଓପନର ରୋହିତ ଶର୍ମା ଛକା ମାରି ଶତକ ପୂରଣ କରିଛନ୍ତି। ୨୦୪ ବଲର ସମ୍ମୁଖୀନ ହୋଇଥିବା ରୋହିତଙ୍କ ପାଳିରେ ସାମିଲ ଥିଲା ୧୨ ଚୌକା ଓ ଏକ ଛକା। ସେ ୯୪ ରନ୍ରେ ବ୍ୟାଟିଂ କରୁଥିବା ବେଳେ ମୋଇନ ଅଲିଙ୍କ ବଲକୁ ଲଙ୍ଗ ଅନ୍ ଅଞ୍ଚଳକୁ ଛକା ମାରି ଶତକ ପୂରଣ କରିଥିଲେ। ଏହା ତାଙ୍କ କ୍ୟାରିୟରର ମୋଟ ଉପରେ ୮ମ ଓ ଭାରତ ବାହାରେ ପ୍ରଥମ ଶତକ। ଏହି ଇନିଂସ ଅବସରରେ ସେ ଟେଷ୍ଟ କ୍ରିକେଟରେ ୩ ହଜାର ରନ୍ ମଧ୍ୟ ପୂରଣ କରିଛନ୍ତି। ତାଙ୍କୁ ଏହି ଇନିଂସରେ ଦୁଇ ଦୁଇ ଥର ଜୀବନଦାନ ମିଳିଥିଲା। ଉଭୟ ଥର ଓଲି ରବିନସନ କ୍ୟାଚ୍ ହାତ ଛଡ଼ା କରିଥିଲେ।