ମୁମ୍ବାଇ,୨୯।୧୦(ପି.ଟି.): ଭାରତୀୟ ଅଭିଜ୍ଞ କ୍ରିକେଟର ରୋହିତ ଶର୍ମା ଜଣାଶୁଣା ହେଲ୍ଥ କେୟାର କମ୍ପାନୀ ଡ. ଟ୍ରଷ୍ଟର ବ୍ରାଣ୍ଡ୍ ଆମ୍ବାସାଡର ନିଯୁକ୍ତ ହୋଇଛନ୍ତି। ଏହି କମ୍ପାନୀ ବ୍ଲଡ୍ ପ୍ରେସର, ରକ୍ତରେ ଅମ୍ଳଜାନ ସ୍ତର, ନିଃଶ୍ୱାସ ପ୍ରଶ୍ୱାସ ହାର, ପଲ୍ସ ରେଟ୍ ଓ ଅନ୍ୟାନ୍ୟ ସ୍ବାସ୍ଥଗତ ସମସ୍ୟା ନେଇ ମନିଟୋରିଂ ଭିଡିଓ ଉତ୍ପାଦନ କରିଥାଏ। ଡ. ଟ୍ରଷ୍ଟର ନୂଆ ଏକିକୃତ ଅଭିଯାନରେ ରୋହିତ ସାମିଲ ହେବେ। ଟିଭି, ପ୍ରିଣ୍ଟ ଓ ଅନ୍ଲାଇନ୍ ଚ୍ୟାନେଲଗୁଡକ ସହିତ ଇନ୍ଷ୍ଟୋର ରୋଲିଂ ଆଉଟ୍ରେ ରୋହିତ ଉପଲବ୍ଧ ହେବେ।
ଆଜିର ଦୁନିଆରେ ସ୍ବାସ୍ଥ୍ୟ ଓ କଲ୍ୟାଣ ଉପରେ ଫୋକସ କରିବାର ଆବଶ୍ୟକତା ରହିଛି। ତେଣୁ ଲୋକଙ୍କୁ ସ୍ବାସ୍ଥ୍ୟ ସମ୍ପର୍କରେ ଅବଗତ କରାଇବା ପାଇଁ ଏଭଳି ଅଭିଯାନର ଆବଶ୍ୟକତା ରହିଛି ବୋଲି ରୋହିତ ଏକ ପ୍ରେସ୍ ବିଜ୍ଞପ୍ତିରେ କହିଛନ୍ତି। ରୋହିତ ଜଣେ ଉଚ୍ଚକୋଟୀର କ୍ରୀଡ଼ାବିତ ହେବା ସହିତ ଜଣେ ଦୃଢ ମନୋଭାବ ସମ୍ପନ୍ନ ବ୍ୟକ୍ତି। ସେ ଜଣେ ଷ୍ଟ୍ରଙ୍ଗ୍ ସେଲିବ୍ରିଟି। ତେଣୁ ସେ ବ୍ରାଣ୍ଡ ଆମ୍ବାସାଡର ନିଯୁକ୍ତ ହେବା ଦ୍ୱାର ଆମ କମ୍ପାନୀ ଓ ସାଧାରଣ ଲୋକଙ୍କର ହିତସାଧନ ହେବ ବୋଲି ଡ. ଟ୍ରଷ୍ଟର ମାଲିକାନା ହାସଲ କରିଥିବା ନୁରେକା ଲିମିଟେଡର ମୁଖ୍ୟ କାର୍ଯ୍ୟନିର୍ବାହୀ ଆର୍ଯ୍ୟନ ଗୋଏଲ କହିଛନ୍ତି।