ଆବୁଧାବି,୮।୧୦: ପ୍ଲେ-ଅପ୍ରେ ସ୍ଥାନ ପାଇବା ପାଇଁ ସନରାଇଜର୍ସ ହାଇଦ୍ରାବାଦ୍ ବିପକ୍ଷ ମ୍ୟାଚ୍ରେ ବିଶାଳ ସ୍କୋର ଛିଡ଼ା କରିବା ପାଇଁ ଦୃଢ଼ ମୂଳଦୁଆ ପକାଇଛି ମୁମ୍ବାଇ ଇଣ୍ଡିଆନ୍ସ। ମୁମ୍ବାଇ ପାଓ୍ବରପ୍ଲେର ୬ ଓଭରରେ ୧ ଉଇକେଟ ହରାଇ ୮୩ ରନ୍ କରିଛି। ଅଧିନାୟକ ରୋହିତ ଶର୍ମା (୧୮) ଆଉଟ୍ ହୋଇ ପ୍ୟାଭିଲିଅନ ଫେରିଥିବା ବେଳେ ଝଡ଼ ଭଳି ଛକା, ଚୌକା ବର୍ଷା କରୁଛନ୍ତି ଇଶାନ କିଷନ।
ସେ ଛକା, ଚୌକା ବର୍ଷା କରି ଆଇପିଏଲର ରେକର୍ଡ ଭାଙ୍ଗି ଦେଇଛନ୍ତି। ମାତ୍ର ୧୬ ବଲର ସେ ପୂରଣ କରିଛନ୍ତି ଅର୍ଦ୍ଧଶତକ। ଏହା ଆଇପିଏଲ ଇତିହାସର ଦୃତତମ ଅର୍ଦ୍ଧଶତକ। ତାଙ୍କ ବିସ୍ଫୋରକ ହାଫ୍ ସେଞ୍ଚୁରିରେ ସାମିଲ ଥିଲା ୮ ଚୌକା ଓ ୨ ଛକା। ରିପୋର୍ଟ ଲେଖାହେବା ସୁଦ୍ଧା କିଷନ ୨୨ ବଲରେ ୬୩ ରନ୍ କରିଛନ୍ତି।
