ଅହମଦାବାଦ,୨୮।୨: ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଜବରଦସ୍ତ ବ୍ୟାଟିଂ କରିଛନ୍ତି ଭାରତୀୟ ଓପନର୍ ରୋହିତ ଶର୍ମା। ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ପ୍ରକାଶିତ ସର୍ବଶ୍ରେଷ୍ଠ ଟେଷ୍ଟ ବ୍ୟାଟ୍ସମ୍ୟାନ ତାଲିକାର ଅଷ୍ଟମ ସ୍ଥାନକୁ ଉନ୍ନୀତ ହୋଇଛନ୍ତି ରୋହିତ। ସେ ୬ଟି ସ୍ଥାନ ଉପରକୁ ଉଠି ଏହି ଉପଲବ୍ଧି ହାସଲ କରିଛନ୍ତି। ରୋହିତଙ୍କ ଟେଷ୍ଟ କ୍ୟାରିୟରର ଏହା ଶ୍ରେଷ୍ଠ ମାନ୍ୟତା। ଏହାପୂର୍ବରୁ ମଧ୍ୟ ସେ ଏକଦିବସୀୟରେ ଶ୍ରେଷ୍ଠ ୧୦ ବ୍ୟାଟ୍ସମ୍ୟାନ ମଧ୍ୟରେ ସ୍ଥାନ ପାଇଥିଲେ। ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟର ପ୍ରଥମ ଇନିଂସରେ ରୋହିତ ପ୍ରଥମ ଇନିଂଶରେ ୬୬ ରନ୍ କରିଥିଲେ ଦ୍ୱିତୀୟ ଇନିଂଶରେ ଅପରାଜିତ ୨୫ ରନ କରିଥିଲେ। ଏହି କାରଣରୁ, ସେମାନେ ୧୪ରୁ ୮ ମ ସ୍ଥାନରେ ପହଞ୍ଚିଛନ୍ତି। ଇଂଲଣ୍ଡ ବିପକ୍ଷ ଚାଲିଥିବା ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ରେ ରୋହିତ ୧୬୧ରନ୍ର ଇନିଂସ ସ୍କୋର କରିଥିଲେ। ରୋହିତଙ୍କ ବ୍ୟତୀତ ଭାରତୀୟ ଅଧିନାୟକ ବିରାଟ କୋହଲି ପଞ୍ଚମ ଏବଂ ଚେତେଶ୍ୱର ପୂଜାରା ଦଶମ ସ୍ଥାନରେ ଅଛନ୍ତି। ବ୍ୟାଟ୍ସମ୍ୟାନ ମାନ୍ୟତାରେ ନ୍ୟୁଜିଲାଣ୍ଡର ଅଧିନାୟକ କେନ ୱିଲିୟମସନ ପ୍ରଥମ ସ୍ଥାନ ଅଧିକାର କରିଛନ୍ତି।
