ବେଙ୍ଗାଲୁର,୧୭।୧: ବେଙ୍ଗାଲୁରର ଏମ. ଚିନ୍ନାସ୍ୱାମୀ ଷ୍ଟାଡିୟମରେ ଅନୁଷ୍ଠିତ ଆଫଗାନିସ୍ତାନ ବିପକ୍ଷ ତୃତୀୟ ଟି୨୦ ରେ ଭାରତ ଅଧିନାୟକ ରୋହିତ ଶର୍ମା ଏକ ବିସ୍ଫୋରକ ଶତକ ହାସଲ କରିଛନ୍ତି। ଏହା ସହିତ ସେ ନିଜ ନାଁରେ ଆଉ ଏକ ରେକର୍ଡ ସାମିଲ କରିଛନ୍ତି। ଆନ୍ତର୍ଜାତୀୟ ଟି୨୦ ରେ ୫ ଟି ଶତକ ହାସଲ କରିଥିବା ପ୍ରଥମ ଖେଳାଳି ହୋଇଛନ୍ତି ରୋହିତ।
ଏକମାତ୍ର ବ୍ୟାଟ ଭାବେ ରୋହିତ ଶର୍ମା ପାଞ୍ଚ ଶତକ ହାସଲ କରିଥିଲା ବେଳେ ସୂର୍ଯ୍ୟକୁମାର ଯାଦବ ଏବଂ ଗ୍ଲେନ ମ୍ୟାକ୍ସୱେଲ ତାଙ୍କ ପଛକୁ ରହିଛନ୍ତି।
ଟି୨୦ରେ ଏକ ନିରାଶାଜନକ ପ୍ରତ୍ୟାବର୍ତ୍ତନ ପରେ, ଲଗାତାର ଦୁଇଟି ଇନିଂସରେ ଶୂନରେ ଆଉଟ ହେବା ପରେ ରୋହିତ ଶର୍ମା ସିରିଜର ତୃତୀୟ ତଥା ଅନ୍ତିମ ମ୍ୟାଚରେ ମାତ୍ର ୬୪ ବଲରେ ଧୂଆଁଧାର ଶତକ ହାସଲ କରିଛନ୍ତି। ଭାରତ ପ୍ରାରମ୍ଭିକ ବିପର୍ୟ୍ୟୟର ସାମ୍ନା କରିବା ପରେ ରୋହିତ ଶର୍ମା ଏବଂ ରିଙ୍କୁ ସିଂ ଚମତ୍କାର ବ୍ୟାଟିଂ କରି ଭାରତକୁ ବଡ଼ ଟାର୍ଗେଟରେ ପହଞ୍ଚାଇଥିଲେ।