ରାଞ୍ଚି, ୨୦।୧୧: ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଇଥିବା ଦ୍ୱିତୀୟ ଟି୨୦ ମ୍ୟାଚ୍ରେ ଉଲ୍ଲେଖନୀୟ ପ୍ରଦର୍ଶନ କରିଥିଲା ଭାରତ। ଦଳ ଏହି ମ୍ୟାଚ୍ରେ ଅତିଥି ଟିମ୍କୁ ପରାସ୍ତ କରି ସିରିଜ୍କୁ ଆଗୁଆ ଜିତି ନେଇଛି। ଭାରତୀୟ ଅଧିନାୟକ ରୋହିତ ଶର୍ମା ନିଜର ୨୫ତମ ଅର୍ଦ୍ଧଶତକ ମାରି ମ୍ୟାଚ୍ରେ ୫୫ ରନ୍ କରିଥିଲେ। ଏହାପରେ ସେ ବିରାଟ କୋହଲିଙ୍କ ସମକକ୍ଷ ହୋଇଛନ୍ତି।
ଟି୨୦ ମୁକାବିଲାରେ ସବୁଠାରୁ ଅଧିକ ୫୦ରୁ ଅଧିକ ରନ୍ କରିଥିବା ମାମଲାରେ ରୋହିତ ବିରାଟଙ୍କ ସମକକ୍ଷ ହୋଇଛନ୍ତି। ରୋହିତ ନିଜର କ୍ୟାରିୟରରେ ୨୯ଥର ୫୦ରୁ ଅଧିକ ରନ୍ କରିଛନ୍ତି। ତେବେ ଏହା ତାଙ୍କର ୨୫ତମ ଅର୍ଦ୍ଧଶତକ ଥିଲା। ପୂର୍ବରୁ ସେ ୪ ଶତକ ବି ମାରିଛନ୍ତି। ଉଭୟଙ୍କ ପରେ ଏହି ମାମଲାରେ ପାକିସ୍ତାନ ଅଧିନାୟକ ବାବର ଆଜମ(୨୫ ପାଳି) ଏବଂ ଡେଭିଡ ଓ୍ବାର୍ନର(୨୨ ପାଳି) ଅଛନ୍ତି।
ଏହାଛଡ଼ା ରୋହିତ ଏବଂ କେଏଲ୍ ରାହୁଲଙ୍କ ଯୋଡ଼ି ପ୍ରଥମ ଉଇକେଟ ପାଇଁ ୧୧୭ ରନ୍ କରିଥିଲେ। ଏଥିସହ ସେ ସବୁଠାରୁ ଅଧିକ ୧୦୦ରନ୍ର ଭାଗିଦାରୀ କରିଥିବା ବ୍ୟାଟ୍ସମ୍ୟାନ୍ ପାଲଟିଛନ୍ତି। ଗତ ୫ ମ୍ୟାଚ୍ରେ ଏହି ଯୋଡ଼ି ଖୁବ୍ ଭଲ ପ୍ରଦର୍ଶନ କରିଛନ୍ତି।