ମୋହାଲି,୧୧।୧:ମୋହାଲିରେ ଭାରତ ଏବଂ ଆଫଗାନିସ୍ତାନ ମଧ୍ୟରେ ଖେଳାଯାଇଥିବା ଟି-୨୦ ମ୍ୟାଚରେ ରୋହିତ ଶର୍ମା ଶୂନରେ ଆଉଟ ହୋଇଥିଲେ। ରନ ସ୍କୋର କରିବାରେ ଶୁବମନ ଗିଲ ଏବଂ ତାଙ୍କ ମଧ୍ୟରେ ଦ୍ୱନ୍ଦ୍ୱ ଯୋଗୁ ଟିମ ଇଣ୍ଡିଆକୁ ଏହି ଉଇକେଟ ହରାଇବାକୁ ପଡିଥିଲା। ପରେ ରୋହିତ ଏହି ବିଷୟରେ ପିଚ୍ରେ ଶୁବମନ ଗିଲଙ୍କ ଉପରେ ରାଗିଥିବାର ନଜର ଆସିଥିଲେ। ମ୍ୟାଚ ପରେ ସେ ତାଙ୍କ ରାଗ ବିଷୟରେ ପଚରାଯାଇଥିବା ପ୍ରଶ୍ନର ଉତ୍ତର ଦେଇଛନ୍ତି।
ପୁରସ୍କାର ସମାରୋହରେ ଯେତେବେଳେ ତାଙ୍କୁ ଏତେ ରାଗିବାର କାରଣ ପଚରାଯାଇଥିଲା। ରୋହିତ କହିଛନ୍ତି, ସତ କହିବାକୁ ଗଲେ ଖେଳ ସମୟରେ ଏହି ସବୁ ଘଟଣା ଘଟେ। ଦଳ ପାଇଁ ରନ ସ୍କୋର କରିବାର ଲକ୍ଷ୍ୟ ନେଇ ପଡ଼ିଆକୁ ଯାଉ, ଏମିତି ଆଉଟ୍ ହେଲେ ନିହାତି କଷ୍ଟ ହେବ। ଶୁଭମନ ଭଲ ଖେଳନ୍ତୁ ମୁଁ ତାହା ଚାହେଁ। ସେ ଭଲ ଇନିଂସ ଖେଳିଥିଲେ କିନ୍ତୁ ଆଉଟ ହୋଇଥିଲେ। ଆମ ପାଇଁ ଏହି ମ୍ୟାଚରୁ ଅନେକ ସକାରାତ୍ମକ ଜିନିଷ ବାହାରିଲା। ଶିବମ ଦୁବେ ଯେପରି ବ୍ୟାଟିଂ କରିଥିଲେ। ତିଳକ ଏବଂ ରିଙ୍କୁ ମଧ୍ୟ ଭଲ ବ୍ୟାଟିଂ କରିଥିଲେ।
ଏହି ମ୍ୟାଚକୁ ଭାରତୀୟ ଦଳ ୬ ଉଇକେଟରେ ଜିତି ନେଇଛି। ପ୍ରଥମେ ଭାରତୀୟ ବୋଲରମାନେ ଆଫଗାନିସ୍ତାନକୁ ୨୦ ଓଭରରେ ୧୫୮ ରନ୍ରେ ସୀମିତ ରଖିଥିଲେ ଏବଂ ପରେ ଶିବମ ଦୁବେଙ୍କ ଅପରାଜିତ ୬୦ ରନ ଯୋଗୁ ସହଜରେ ଲକ୍ଷ୍ୟ ହାସଲ କରିଥିଲା।
