ନୂଆଦିଲ୍ଲୀ,୬।୧୧: ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜରେ ରୋହିତ ଶର୍ମା ଏବଂ ବିରାଟ କୋହଲିଙ୍କ ଖରାପ ଫର୍ମ ଦଳ ପାଇଁ ବୁମେରାଂ ସାବ୍ୟସ୍ତ ହୋଇଥିଲା। ଫଳରେ ଭାରତ ୩-୦ରେ ପରାଜୟବରଣ କରିଥିଲା। ବିରାଟ ଏବଂ ରୋହିତଙ୍କ ଏହି ଖରାପ ଫର୍ମକୁ ନେଇ ଭାରତୀୟ କିମ୍ବଦନ୍ତୀ କ୍ରିଷ୍ଣମଚାରୀ ଶ୍ରୀକାନ୍ତ ଏକ ବଡ଼ ବିବୃତ୍ତି ଦେଇଛନ୍ତି। ନ୍ୟୁଜିଲାଣ୍ଡ ବିପକ୍ଷ ସିରିଜର ୬ ଇନିଂସରେ ୯୧ ରନ ସ୍କୋର କରିଥିବା ରୋହିତ ଶର୍ମାବର୍ତ୍ତମାନ ଅବସର ନେଇଯିବା ଉଚିତ୍ ବୋଲି କହିଛନ୍ତି।
ଶ୍ରୀକାନ୍ତ କହିଛନ୍ତି ଯଦି, ଯଦି ରୋହିତ ଶର୍ମା ଅଷ୍ଟ୍ରେଲିଆରେ ଭଲ ପ୍ରଦର୍ଶନ କରନ୍ତି ନାହିଁ ତେବେ ସେ ଟେଷ୍ଟ କ୍ରିକେଟରୁ ଅବସର ନେବା ଉଚିତ୍। ରୋହିତ ଟି-୨୦ କ୍ରିକେଟରୁ ଅବସର ନେଇସାରିଛନ୍ତି ଏବଂ ଟେଷ୍ଟ କ୍ରିକେଟ ଛାଡିବା ପରେ ସେ କେବଳ ଦିନିକିଆ ଖେଳିବା ଜାରି ରଖନ୍ତୁ। ଆମକୁ ଏହା ମଧ୍ୟ ମନେ ରଖିବାକୁ ହେବ ଯେ ସେ ଏବେ ବୟସ୍କ ଖେଳାଙ୍କ ତାଲିକା ମଧ୍ୟରେ ନାହାଁନ୍ତି। ଯେ ଆଉ ଯୁବକ ନୁହେଁ, ବୁଢା ହୋଇଗଲେଣି।
ରୋହିତ ଶର୍ମାଙ୍କ ବ୍ୟତୀତ ଶ୍ରୀକାନ୍ତ ବିରାଟ କୋହଲିଙ୍କ କ୍ୟାରିୟର ବିଷୟରେ ମଧ୍ୟ ଅନେକ କିଛି କହିଛନ୍ତି। ଶ୍ରୀକାନ୍ତ କହିଛନ୍ତି,କୋହଲି ଅଷ୍ଟ୍ରେଲିଆରେ ଭଲ ପ୍ରତ୍ୟାବର୍ତ୍ତନ କରିବେ। ଅଷ୍ଟ୍ରେଲିଆରେ ସେ ରନ ସ୍କୋର କରିବାକୁ ପସନ୍ଦ କରନ୍ତି, ଏହା ମଧ୍ୟ ତାଙ୍କର ଶକ୍ତି। କୋହଲି ବର୍ତ୍ତମାନ କ୍ରିକେଟ ଛାଡିବା କଥା କହିବା ଭାବିବା ଉଚିତ୍ ନୁହେଁ।