ଦୁବାଇ, ୮।୯: ଆଇପିଏଲ୍ର ସବୁଠାରୁ ସଫଳ ଫ୍ରାଞ୍ଚାଇଜ ହେଉଛି ମୁମ୍ବାଇ ଇଣ୍ଡିଆନ୍ସ। ଡିଫେଣ୍ଡିଂ ଚାମ୍ପିୟନ ମୁମ୍ବାଇ ସର୍ବାଧିକ ୪ଥର ଆଇପିଏଲ୍ ଟ୍ରଫି ଜିତି ରେକର୍ଡ କରିଛି। ବିସ୍ଫୋରକ ବ୍ୟାଟ୍ସମ୍ୟାନ ରୋହିତ୍ ଶର୍ମାଙ୍କ ନେତୃତ୍ୱରେ ହିଁ ମୁମ୍ବାଇ ଏହି ୪ଥର ଟାଇଟଲ ଜିତିବାରେ ସଫଳ ହୋଇଛି। ଆଇପିଏଲ୍ର ଚଳିତ ତ୍ରୟୋଦଶ ସଂସ୍କରଣରେ ମଧ୍ୟ ମୁମ୍ବାଇ ରୋହିତ୍ଙ୍କ ନେତୃତ୍ୱରେ ଟାଇଟଲ୍ ଜିତିବା ଲକ୍ଷ୍ୟରେ ରହିଛି। ଚଳିତ ବର୍ଷ କରୋନା ମହାମାରୀ ଲାଗି ଆଇପିଏଲ୍-୧୩କୁ ଭାରତ ପରିବର୍ତ୍ତେ ୟୁଏଇରେ ଆୟୋଜିତ କରିବାକୁ ବିସିସିଆଇ ନିଷ୍ପତ୍ତି ନେଇଛି। ସେପ୍ଟେମ୍ବର ୧୯ରେ ହେବାକୁ ଥିବା ଉଦ୍ଘାଟନୀ ମୁକାବିଲାରେ ମୁମ୍ବାଇର ମୁକାବିଲା ଗତଥରର ରନର୍ସଅପ୍ ଚେନ୍ନାଇ ସୁପର୍ କିଙ୍ଗ୍ସ ସହ ହେବ। ଏଥିପୂର୍ବରୁ ସମସ୍ତ ଦଳ କଠିନ ଅଭ୍ୟାସ କରିବା ସହିତ ମଜା କରୁଥିବାର ଦେଖିବାକୁ ମିଳିଛି। ଏହି ଅବସରରେ ରୋହିତ୍ ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଯେଉଁଥିରେ ସ୍ତ୍ରୀ ରିତିକା ଓ ଝିଅ ସମାଇରା ସହ ସମୁଦ୍ର କୂଳରେ ମଜା ନେଉଥିବାର ଦେଖିବାକୁ ମିଳିଛି।
ବ୍ୟତୀତ ମୁମ୍ବାଇର ଅନ୍ୟତମ ବିସ୍ଫୋରକ ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ ମଧ୍ୟ ସ୍ତ୍ରୀ ଦେବିଷା ସେଟ୍ଟୀଙ୍କ ସହ ନଜର ଆସିଥିଲେ। ସେହିଭଳି ଉଇକେଟ୍କିପର ଆଦିତ୍ୟ ତାରେ ଓ ଧାଓ୍ବଲ କୁଲବର୍ନୀ ମଧ୍ୟ ସେମାନଙ୍କ ସ୍ତ୍ରୀଙ୍କ ସହିତ ସମୁଦ୍ର କୂଳରେ ମସ୍ତି କରୁଥିବାର ଫଟୋ ସୋସିଆଲ ମିଡିଆରେ ଶେୟାର କରିଥିଲେ।
