ଚେନ୍ନାଇ,୨୧।୪: ଆଇପିଏଲର ୧୩ତମ ମ୍ୟାଚରେ ରୋହିତ ଶର୍ମାଙ୍କ ନେତୃତ୍ୱରେ ମୁମ୍ବାଇ ଇଣ୍ଡିଆନ୍ସ ଦିଲ୍ଲୀ କ୍ୟାପିଟାଲ୍ସଠାରୁ ୬ ଉଇକେଟରେ ପରାସ୍ତ ହୋଇଛି। ପ୍ରଥମେ ବ୍ୟାଟିଂ କରୁଥିବାବେଳେ ମୁମ୍ବାଇ ରିଷଭ ପନ୍ତଙ୍କ ଦଳକୁ ୧୩୮ ରନ୍ର ଟାର୍ଗେଟ ଦେଇଥିଲା। ଜବାବରେ ଦିଲ୍ଲୀ ଚାରି ଉଇକେଟ ହରାଇ ଲକ୍ଷ୍ୟ ହାସଲ କରିଥିଲା। ଅଧିନାୟକ ରୋହିତ ମୁମ୍ବାଇ ପାଇଁ ସର୍ବାଧିକ ୪୪ ରନ ସଂଗ୍ରହ କରିଥିଲେ। ସେ ୩୦ ବଲରେ ୩ ଚୌକା ଓ ୩ ଛକା ମାରିଥିଲେ। ଓପନିଂ ବ୍ୟାଟ୍ସମ୍ୟାନ ରୋହିତ ତାଙ୍କ ଇନିଂସରେ ଏକ ବଡ଼ ଛକା ମାରିଥିଲେ। ଏହା ଦେଖି ତାଙ୍କ ସ୍ତ୍ରୀ ରିତିକା, ହାର୍ଦ୍ଦିକ ପାଣ୍ଡ୍ୟାଙ୍କ ସ୍ତ୍ରୀ ନତାଶା ଷ୍ଟାନକୋଭିକ, ଦିଲ୍ଲୀର ଓପନିଂ ବ୍ୟାଟ୍ସମ୍ୟାନ ଶିଖର ଧାୱନ ସ୍ତ୍ରୀମାନେ ଆଶ୍ଚର୍ଯ୍ୟ ହୋଇଯାଇଥିଲେ। ମ୍ୟାଚ୍ର ୫ ଓଭରରେ ଏହି ଘଟଣା ଘଟିଥିଲା। ରୋହିତ କାଗିସୋ ରାବାଡାର ପଞ୍ଚମ ବଲରେ ୯୫ ମିଟର ଲମ୍ବା ଛକା ମାରିଥିଲେ। ରୋହିତଙ୍କ ଏହି ସଟ୍ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ। ଏବେ ତାଙ୍କ ଏହି ସଟ୍ର ଭିଡିଓ ଭାଇରାଲ ହେବାରେ ଲାଗିଛି।