ଆଉ ଚାଲୁନି ବ୍ୟାଟ! ସିଡନୀ ଟେଷ୍ଟ ପରେ ଅବସର ନେବେ ରୋହିତ: ରିପୋର୍ଟ

ନୂଆଦିଲ୍ଲୀ,୩୦।୧୨: ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ନେଇ ‘ନିଜର ନିଷ୍ପତ୍ତି ନେଇସାରିଛନ୍ତି’। ସିଡନୀରେ ୨୦୨୪-୨୫ ବର୍ଡ଼ର-ଗାଭାସ୍କର ଟ୍ରଫିର ଶେଷ ଟେଷ୍ଟ ପରେ ଯଦି ଭାରତ ୨୦୨୫ ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁଟିଏସି) ରେ ପ୍ରବେଶ କରିବାରେ ବିଫଳ ହୁଏ ତେବେ ରୋହିତ ଅବସର ନେବାର ସମ୍ଭାବନା ରହିଛି ବୋଲି ଜଣାପଡିଛି।

ଟାଇମ୍ସ ଅଫ ଇଣ୍ଡିଆ ରିପୋର୍ଟ ଅନୁଯାୟୀ, ବିସିସିଆଇ ଟପ୍ ମ୍ୟାନେଜମେଣ୍ଟ ଏବଂ ଚୟନକର୍ତ୍ତାଙ୍କ ମଧ୍ୟରେ ରୋହିତଙ୍କ ଚୟନ ବିଷୟରେ ଗୁଜବ ସୃଷ୍ଟି କରିଛି। ଏହି ରିପୋର୍ଟରେ କୁହାଯାଇଛି ଯେ, ଯଦି ଭାରତ ଫାଇନାଲରେ ପହଞ୍ଚେ ତେବେ ଚୟନକର୍ତ୍ତା ତାଙ୍କୁ ଡବ୍ଲୁଟିଏସି ଫାଇନାଲରେ ଖେଳିବାକୁ ଦିଅନ୍ତୁ ବୋଲି ରୋହିତ ସେମାନଙ୍କୁ ମନାଇବାକୁ ଚେଷ୍ଟା କରିବେ। ତେବେ ଏହାର ସମ୍ଭାବନା ଖୁବ କମ୍ ଥିବାରୁ ସିଡନୀ ଟେଷ୍ଟ ତାଙ୍କର ‘ଶେଷ ମ୍ୟାଚ୍’ ହେବାର ସମ୍ଭାବନା ରହିଛି।

ମେଲବୋର୍ଣ୍ଣରେ ଖେଳାଯାଇଥିବା ଚତୁର୍ଥ ଟେଷ୍ଟରେ ଭାରତର ଲଜ୍ଜାଜନକ 184 ରନ୍ ପରାଜୟ ପରେ ଏହି ରିପୋର୍ଟ ଆସିଛି। ଏହି ପରାଜୟର ଅର୍ଥ ହେଉଛି ରୋହିତଙ୍କ ଅଧିନାୟକତ୍ୱରେ ଭାରତ ଗତ 6ଟି ଟେଷ୍ଟ ମଧ୍ୟରୁ କୌଣସିଟି ଜିତି ନାହିଁ, ପାଞ୍ଚଟି ପରାଜୟ ଏବଂ ଗୋଟିଏ ଅମିମାଂସିତ ରହିଛି।

ଏଥିରେ ଘରୋଇ ମାଟିରେ ନ୍ୟୁଜିଲ୍ୟାଣ୍ଡ ଭାରତକୁ 0-3 ରେ ଶୋଚନୀୟ ପରାସ୍ତ ମଧ୍ୟ ସାମିଲ ରହିଛି। ଯାହା ଦେଶର ଟେଷ୍ଟ ଇତିହାସରେ ପ୍ରଥମ ଥର ପାଇଁ ଘଟିଥିଲା। ତେବେ ଆଡିଲେଡ ଏବଂ ମେଲବୋର୍ଣ୍ଣରେ ହାରିଯିବା ପୂର୍ବରୁ ଉପ-ଅଧିନାୟକ ଜସପ୍ରୀତ ବୁମ୍ରାଙ୍କ ଅଧୀନରେ ପର୍ଥରେ ପ୍ରଥମ ବର୍ଡ଼ର-ଗାଭାସ୍କର ଟେଷ୍ଟ ଜିତିଥିଲା। ଗାବାରେ ଦ୍ୱିତୀୟ ଟେଷ୍ଟ ଅମିମାଂସିତ ରହିଥିଲା, ଯାହା ବର୍ଷା କାରଣରୁ ହାରିଯିବା ସ୍ଥିତିରେ ଥାଇ ମଧ୍ୟ ଭାରତ ଡ୍ର କରିବାରେ ସକ୍ଷମ ହୋଇଥିଲା।