ଭାରତୀ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଏବଂ ରୋହିତ ଶର୍ମାଙ୍କ ପ୍ରଶଂସକଙ୍କ ମଧ୍ୟରେ ଝଗଡା ହୋଇଛି। ପରିସ୍ଥିତି ମାଡ ମରାମରି ଉପରେ ପହଞ୍ଚିଥିଲା। ଭାରତୀୟ କ୍ରିକେଟ ଦଳର ପୂର୍ବତନ ବ୍ୟାଟ୍ସମ୍ୟାନ୍ ଏହି ଝଗଡା ଉପରେ ନିଜ ମତ ରଖିଛନ୍ତି। ମହାରାଷ୍ଟ୍ରର କୋହ୍ଲାପୁରରେ ଆଇପିଏଲ ପୂର୍ବରୁ ଧୋନୀ-ରୋହିତଙ୍କ ପ୍ରଶଂସକ ନିଜ ନିଜ ହିରୋଙ୍କ ଫଟୋ ନେଇ ରାଜରାସ୍ତାକୁ ଓହ୍ଲାଇଥିଲେ। ଧୋନୀ କ୍ରିକେଟରୁ ଅବସର ନେବା ପରେ ତାଙ୍କ ପ୍ରଶଂସକ ବାହାରକୁ ବାହାରିଥିବାବେଳେ ରୋହିତ ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ପାଇବା ପରେ ତାଙ୍କ ପ୍ରଶଂସକ ରାଜରାସ୍ତାକୁ ଓହ୍ଲାଇ ଖୁସି ମନାଉଥିଲେ। ଏହି ସମୟରେ କିଛି ଅଜ୍ଞାତ ବ୍ୟକ୍ତି ରୋହିତଙ୍କ ପୋଷ୍ଟରକୁ ଚିରି ଦେଇଥିଲେ। ଏହା ପରେ ଉଭୟ ପକ୍ଷ ପ୍ରଶଂସକଙ୍କ ମଧ୍ୟ ଝଗଡା ତୀବ୍ରତର ହୋଇଥିଲା। ପରିସ୍ଥିତ ଏଭଳି ହୋଇଥିଲା ଠେଙ୍ଗାରେ ମାରପିଟ୍ ହୋଇଥିଲା। ଏହି ଘଟଣା ପରେ ସେହ୍ବାଗ କହିଛନ୍ତି, ଏଭଳି ପାଗଳାମୀ କାମ କରିବା ଆଦୌ ଉଚିତ୍ ନୁହେଁ। ଖେଲାଳିମାନେ ପରସ୍ପରକୁ ବହୁତ୍ ଭଲ ପାଆନ୍ତି। ତେଣୁ ପ୍ରଶଂସକମାନେ ନିଜ ଭିତରେ ଝଗଡା କରିବା ପାଗଳାମୀ। ଭାରତୀୟ ଦଳକୁ ଏକ ଦଳ ଭଳି ମନେ ରକତ୍ବାକୁ ସେ ପ୍ରଶଂସକଙ୍କୁ ଅପିଲ୍ କରିଛନ୍ତି।
