ସାଉଥାମ୍ପଟନ୍,୯ା୭: ଅଧିନାୟକ ଭାବରେ ଆଉ ଏକ ମାଇଲଖୁଣ୍ଟ ହାସଲ କରିଛନ୍ତି ରୋହିତ ଶର୍ମା। ବିରାଟ କୋହଲିଙ୍କ ପରେ ଭାରତୀୟ ଦଳର ଦାୟିତ୍ୱ ସମ୍ଭାଳିଥିବା ରୋହିତଙ୍କ ନେତୃତ୍ୱରେ ଭାରତ ନ୍ୟୁଜିଲାଣ୍ଡ, ଓ୍ବେଷ୍ଟଇଣ୍ଡିଜ ଏବଂ ଶ୍ରୀଲଙ୍କାକୁ ପରାସ୍ତ କରିଥିବା ବେଳେ ବର୍ତ୍ତମାନ ଇଂଲଣ୍ଡ ବିପକ୍ଷ ପ୍ରଥମ ମ୍ୟାଚରେ ବିଜୟୀ ହୋଇଛି। ଏହି ମ୍ୟାଚରେ ଭାରତ ବିଜୟୀ ସହିତ ଅଧିନାୟକ ଭାବେ ବିଶ୍ୱ ରେକର୍ଡ କରିଛନ୍ତି ରୋହିତ ଶର୍ମା। କ୍ରମାଗତ ୧୩ଟି ଟି-୨୦ ମୁକାବିଲାକୁ ରୋହିତଙ୍କ ନେତୃତ୍ୱରେ ଦଳ ବିଜୟୀ ହେବାର ରେକର୍ଡ କରିଛି। ପୂର୍ବରୁ କୌଣସି ଭାରତୀୟ ଅଧିନାୟକ ଏଭଳି କରିବାରେ ସମର୍ଥ ହୋଇ ନ ଥିଲେ। ୨୦୨୧ରୁ ବର୍ତ୍ତମାନ ସୁଦ୍ଧା ରୋହିତଙ୍କ ନେତୃତ୍ୱରେ ଭାରତୀୟ ଦଳ ଗୋଟିଏ ବି ମ୍ୟାଚ ହାରିନାହିଁ। ପୂର୍ବରୁ ଏହି ରେକର୍ଡ ଆଫଗାନିସ୍ତାନର ଅସଘର ଆଫଗାନଙ୍କ ନାମରେ ରହିଥିଲା।
