ନୂଆଦିଲ୍ଲୀ,୧୪।୪: ଆଇପିଏଲ୍ରେ ପ୍ରଥମ ମ୍ୟାଚ୍ ହାରିବା ପରେ ମୁମ୍ବାଇ ଇଣ୍ଡିଆନ୍ସ(ଏମ୍ଆଇ) ଟିମ୍ କୋଲକାତା ନାଇଟ୍ ରାଇଡର୍ସ(କେକେଆର୍) ବିପକ୍ଷ ମ୍ୟାଚ୍ ଜିତିଛି। ସୂର୍ଯ୍ୟକୁମାର ଯାଦବ ଏବଂ ରୋହିତ ଶର୍ମାଙ୍କ ଉଲ୍ଲେଖନୀୟ ବ୍ୟାଟିଂ ଯୋଗୁ ଦଳ ୧୫୨ରନ୍ର ବିଜୟ ଲକ୍ଷ୍ୟ ରଖିଥିଲା। ଜବାବରେ କୋଲକାତା ଟିମ୍ ନିର୍ଦ୍ଧାରିତ ୨୦ ଓଭରରେ ୭ ଉଇକେଟ ହରାଇ ୧୪୨ରନ୍ କରିପାରିଥିଲା। ଫଳରେ ଏମ୍ଆଇ ୧୦ରନ୍ରେ ବିଜୟ ହାସଲ କରିଥିଲା। ସିଜିନ୍ରେ ପ୍ରଥମ ବିଜୟକୁ ନେଇ ପ୍ରତିକ୍ରିୟା ରଖି ଏମ୍ଆଇ ଅଧିନାୟକ ରୋହିତ ଶର୍ମା କହିଛନ୍ତି, ଖେଳାଳିମାନଙ୍କ ପ୍ରତ୍ୟାବର୍ତ୍ତନ ମୋତେ ପ୍ରଭାବିତ କରିଛି। ସମସ୍ତେ ନିଜର ଶ୍ରେଷ୍ଠ ଦେଇଛନ୍ତି। ସବୁବେଳେ ଏଭଳି ମ୍ୟାଚ୍ ଦେଖିବାକୁ ମିଳେନାହିଁ। ଏଭଳି ମୁକାବିଲା ଆତ୍ମବିଶ୍ୱାସ ବଢ଼ାଇଥାଏ। ପାଓ୍ବାର ପ୍ଲେ ସମୟରେ କେକେଆର୍ର ଖେଳାଳିମାନେ ଭଲ ବ୍ୟାଟିଂ କରିଥିଲେ। ମାତ୍ର ରାହୁଲ ଚାହର ୪ ଉଇକେଟ ନେବା ପରେ ଆମକୁ ମିଡିଲ୍ ଓଭରରେ ମହତ୍ୱପୂର୍ଣ୍ଣ ଉଇକେଟ ମିଳିଥିଲା। ଶେଷରେ କ୍ରୁଣାଳ ପାଣ୍ଡ୍ୟା ଭଲ ଓଭର ପକାଇଥିଲେ। ବିଜୟର ଶ୍ରେୟ ଟିମ୍ର ବୋଲର୍ମାନଙ୍କୁ ଯାଉଛି ବୋଲି ସେ କହିଛନ୍ତି।
