ନୂଆଦିଲ୍ଲୀ,୨୭।୧: କୋଭିଡ-୧୯ ପରେ ଭାରତରେ ପ୍ରଥମ ଥର ପାଇଁ ଅନ୍ତଃରାଷ୍ଟ୍ରୀୟ କ୍ରିକେଟ ଖେଳାଯିବ। ଇଂଲଣ୍ଡର ଟିମ୍ ସିରିଜ୍ ଖେଳିବା ଲାଗି ଭାରତ ଗସ୍ତରେ ଆସିବ। ଫେବୃୟାରୀ ୫ରୁ ଚେନ୍ନାଇରେ ପ୍ରଥମ ମ୍ୟାଚ୍ ଖେଳାଯିବ। ନିକଟରେ ଅଷ୍ଟ୍ରେଲିଆ ବିପକ୍ଷରେ ଉଲ୍ଲେଖନୀୟ ପ୍ରଦର୍ଶନ କରିଥିବା ହେତୁ ଭାରତୀୟ ଦଳ ଫର୍ମରେ ରହିଛି। ଦଳର ପ୍ରମୁଖ ବ୍ୟାଟ୍ସମ୍ୟାନ୍ଙ୍କ ମଧ୍ୟରୁ ରୋହିତ ଶର୍ମା ଜୋ ରୁଟ୍ଙ୍କ ଟିମ୍ ପାଇଁ ବିପଦ ସାଜିପାରନ୍ତି ବୋଲି ଚର୍ଚ୍ଚା ହେଉଛି।
ଅଷ୍ଟ୍ରେଲିଆ ଗସ୍ତରେ ସେତେଟା ଭଲ ପ୍ରଦର୍ଶନ କରିପାରି ନ ଥିଲେ ରୋହିତ। ହେଲେ ଘରୋଇ ମଇଦାନରେ ସେ ଦୃଢ଼ ପ୍ରଦର୍ଶନ କରିଥାନ୍ତି। ଉଭୟ ସ୍ବିଙ୍ଗ୍ ଏବଂ ସ୍ପିନ୍କୁ ଭଲରେ ଖେଳିବାର କ୍ଷମତା ତାଙ୍କର ରହିଛି। ଏଣୁ ଇଂଲଣ୍ଡର ବୋଲରମାନେ ଅଡ଼ୁଆରେ ପଡ଼ି ପାରନ୍ତି।
ଥରେ ପଡ଼ିଆରେ କିଛି ସମୟ ରହିବା ପରେ ରୋହିତ ବୋଲରଙ୍କୁ ଚିନ୍ତାରେ ପକାଇ ଦିଅନ୍ତି। ମୋଟାମୋଟି ଭାବେ ଦେଖିଲେ ମୁମ୍ବାଇର ଏହି ବ୍ୟାଟ୍ସମ୍ୟାନ୍ ଘରୋଇ ମଇଦାନରେ ୧୪ ଟେଷ୍ଟରେ ହାରାହାରି ୮୮ ଅନୁପାତରେ ୬ ଶତକ ମାରିଛନ୍ତି।
ଘରୋଇ ମଇଦାନରେ ରୋହିତଙ୍କ ରେକର୍ଡ କିଛି ଏଭଳି:
-୧୪ ମ୍ୟାଚ୍
-୨୦ ପାଳି
-୧୩୨୫ ରନ୍
-୬୯.୨୯ ଷ୍ଟ୍ରାଇକ୍ ରେଟ୍
-୬ ଶତକ
-୫ ଅର୍ଦ୍ଧଶତକ
-୨୧୨ ସର୍ବଶ୍ରେଷ୍ଠ ସ୍କୋର
