ନୂଆଦିଲ୍ଲୀ,୭।୧୨; ଟିମ ଇଣ୍ଡିଆ ଟି -୨୦ସିରିଜରେ ଅଷ୍ଟ୍ରେଲିଆକୁ ପରାସ୍ତ କରିଛ। ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ଦ୍ୱିତୀୟ ମ୍ୟାଚରେ ଭାରତ ରବିବାର ଅଷ୍ଟ୍ରେଲିଆକୁ ୬ ଉଇକେଟ୍ରେ ପରାସ୍ତ କରିଛି। ସିରିଜରେ ଭାରତ ଏବେ ୨-୦ ଅଗ୍ରଣୀ ହାସଲ କରିଛି। ଟିମ ଇଣ୍ଡିଆର ବିଜୟକୁ ନେଇ ସବୁଆଡେ ଖେଳାଳିଙ୍କୁ ପ୍ରଶଂସା କରାଯାଉଛି। ରୋହିତ ଶର୍ମାଙ୍କ ପରି ଭେଟେରାନମାନେ ଏହି ସିରିଜରେ ଖେଳୁ ନ ଥିଲେ ମଧ୍ୟ ଭାରତ ସିରିଜ୍ ବିଜୟ ହେବା ସବୁଠୁ ଗୁରୁତ୍ୱପୂର୍ଣ୍ଣ କଥା। ସିରିଜ ଜିତିବା ପରେ ରୋହିତ ଦଳର ସମସ୍ତ ଖେଳାଳିଙ୍କୁ ପ୍ରଶଂସା କରିଥିଲେ। ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ଚାମ୍ପିୟନକୁ କରିବା ପରେ ରୋହିତ ଶର୍ମା ଆହତ କାରଣରୁ ଅଷ୍ଟ୍ରେଲିଆ ଯାଇପାରି ନ ଥିଲେ। ଏବେ ପ୍ରଥମ ଥର ପାଇଁ ଟି-୨୦ ସିରିଜ ଜିତିବା ପରେ ରୋହିତ ଟୁଇଟରରେ ଲେଖିଛନ୍ତି, ଟିମ ଇଣ୍ଡିଆ ପାଇଁ ସିରିଜରେ ଏହା ଏକ ଜବରଦସ୍ତ ବିଜୟ। ଟିମ ଇଣ୍ଡିଆ ଯେପରି ଏହି ବିଜୟ ହାସଲ କଲା ତାହା ଦେଖି ଭଲ ଲାଗିଲା। ସମସ୍ତଙ୍କୁ ଅନେକ ଅନେକ ଅଭିନନ୍ଦନ। ବିଜୟ ପରେ ଅଧିନାୟକ ବିରାଟ କୋହଲି ମଧ୍ୟ ରୋହିତ ଶର୍ମାଙ୍କୁ ମନେ ପକାଇଥିଲେ। ମ୍ୟାଚ ପରେ ବିରାଟ କହିଥିଲେ ଏହା ଏକ ବଡ଼ ବିଜୟ। ଏକ ଦଳ ଭାବରେ ଆମେ ଟି -୨୦ ମ୍ୟାଚ ରେ ଭଲ ପ୍ରଦର୍ଶନ କରିଛୁ। ବିଶେଷ କଥା ହେଉଛି ଏହି ମ୍ୟାଚରେ ଆମେ ରୋହିତ ଶର୍ମା ଏବଂ ଜସପ୍ରୀତ ବୁମ୍ରା ବିନା ଖେଳିଥିଲୁ ଏବଂ ଏହା ସତ୍ତ୍ୱେ ସେମାନେ ଜିତିଥିଲେ। ଏଭଳି ପରିସ୍ଥିତିରେ ଏହି ବିଜୟ ଆହୁରି ଗୁରୁତ୍ୱପୂର୍ଣ୍ଣ ହୋଇଯାଏ। ରୋହିତ ଶର୍ମାଙ୍କ ଆଘାତକୁ ନେଇ ଅନେକ ବିବାଦ ଥିଲା। କ୍ୟାପଟେନ ବିରାଟ କୋହଲି ଅଷ୍ଟ୍ରେଲିଆରେ ଗଣମାଧ୍ୟମ ସହ କଥାବାର୍ତ୍ତା ବେଳେ କହିଥିଲେ ଯେ ରୋହିତଙ୍କ ଆଘାତକୁ ନେଇ ତାଙ୍କୁ ଅନ୍ଧାରରେ ରଖାଯାଇଛି। ବିରାଟ କହିଥିଲେ ଯେ ରୋହିତ କାହିଁକି ଅଷ୍ଟ୍ରେଲିଆ ଆସିନାହାଁନ୍ତି ଏବଂ ଏବେ ତାଙ୍କ ଆଘାତରେ ପରିସ୍ଥିତି କ’ଣ ରହିଛି ସେ ସମ୍ପର୍କରେ ତାଙ୍କର କୌଣସି ସୂଚନା ନାହିଁ। ବିରାଟଙ୍କ ଏହି ବିବୃତ୍ତି ପରେ ଭାରତରେ ଚର୍ଚ୍ଚା ଆରମ୍ଭ ହୋଇଯାଇଥିଲା। ରୋହିତ ଏବଂ ବିରାଟଙ୍କ ମଧ୍ୟରେ ବିବାଦ ଥିବା ଆଲୋଚନା ହୋଇଥିଲା।
