ଭାରତୀୟ କ୍ରିକେଟ ଦଳର ଦୁଇ ଓପନର୍ ରୋହିତ ଶର୍ମା ଏବଂ ଶିଖର ଧାଓ୍ବନଙ୍କ ମଧ୍ୟ ଭଲ ବନ୍ଧୁତା ଅଛି। ଦୁହେଁ କ୍ରିକେଟ୍ ପଡିଆରେ ଅନେକ ରେକର୍ଡ ମଧ୍ୟ ହାସଲ କରିଛନ୍ତି। ଦୁହେଁ ପରସ୍ପର ମଜା ମଧ୍ୟ କରନ୍ତି। ନିକଟରେ ଗୌରବ କପୁରଙ୍କ ୟୁଟ୍ୟୁବ୍ ଶୋ ବ୍ରେକ୍ଫାଷ୍ଟ୍ ଓ୍ବିଥ୍ ଚାମ୍ପିଅନ୍ସରେ ଧାଓ୍ବନଙ୍କ ଅନ୍ଧବିଶ୍ୱାସ ଉପରେ ଖୁଲାସା କରିଛନ୍ତି ରୋହିତ। ବ୍ୟାଟିଂ ପାଇଁ କ୍ରିଜ୍କୁ ଯିବା ପୂର୍ବରୁ ଧାଓ୍ବନ୍ ଟଏଲେଟ୍ ଯିବାକୁ ଭୁଲନ୍ତି ନାହିଁ। ମୋତେ ତାଙ୍କ ପାଇଁ ୫ ମିନିଟ୍ ଅପେକ୍ଷା କରିବାକୁ ପଡେ ବୋଲି ରୋହିତ କହିଥିଲେ। ପରେ ଧାଓ୍ବନ୍ କହିଥିଲେ, ଏ ପିଲା(ରୋହିତ) ଫ୍ଲାଇଟ୍ରେ ପାସଓ୍ବାର୍ଡ ଭୁଲିଯାନ୍ତି। ରୋହିତ ମଧ୍ୟ ଧାଓ୍ବନ୍ଙ୍କୁ ଛାଡି ନ ଥିଲେ କହିଥିଲେ ପ୍ରତି ମ୍ୟାଚ୍ ଦିନ ମୋଠାରୁ ମୋଜା ମାଗି ନିଅନ୍ତି ଆଉ ଦେବାକୁ ଭୁଲି ଯାଆନ୍ତି। ଏହାର ଜବାବରେ ଶିଖର କହିଥିଲେ ମୁଁ କାହିଁକି ଫେରେଇବି ସମସ୍ତଙ୍କ ପାଖରେ ମୋଜା ଏତେ ପଡି ରହିଛି ବୋଲି କହିଥିଲେ।