ଚେନ୍ନାଇ,୧୫।୨: ଚେନ୍ନାଇରେ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ଦ୍ୱିତୀୟ ଟେଷ୍ଟର ଦ୍ୱିତୀୟ ଦିନରେ ଏକ ମଜାଦାର ଘଟଣା ଘଟିଥିଲା । ଦ୍ୱିତୀୟ ଦିନରେ ଭାରତର ପ୍ରଥମ ଇନିଂସ ୩୨୯ରେ ଶେଷ ହୋଇଥିବାବେଳେ ଇଂଲଣ୍ଡ ଦଳ ପ୍ରଥମ ଇନିଂସରେ ମାତ୍ର ୧୩୪ରନ୍ରେ ଅଲଆଉଟ୍ ହୋଇଥିଲା। ଇଂଲଣ୍ଡ ବ୍ୟାଟ୍ସମ୍ୟାନ ଭାରତୀୟ ସ୍ପିନରଙ୍କ ସାମ୍ନାରେ ଖେଳି ପାରି ନ ଥିଲେ। ଭାରତ ପକ୍ଷରୁ ରବିଚନ୍ଦ୍ରନ ଅଶ୍ୱିନ ୪୩ ରନ ପାଇଁ ୫ଟି ଉଇକେଟ ନେଇଥିବା ବେଳେ ଅକ୍ଷର ପଟେଲ ୨ଟି ଉଇକେଟ ନେଇଥିଲେ। ଏହି ସମୟରେ ରୋହିତ ଶର୍ମା ଇଂଲଣ୍ଡ ଖେଳାଳିମାନେ ଆଉଟ୍ ହୋଇ ପାଲିଲିୟନ୍କୁ ଫେରୁଥିବାବେଳେ ଭାରତୀୟ ଖେଲାଳିମାନେ ଏକାଠି ହୋଇ ଉତ୍ସବ ମନାଉଥିଲେ। ଏହି ସମୟରେ ଭାରତୀୟ ଉଇକେଟ କିପର ରିଷଭ ପନ୍ତଙ୍କୁ ରୋହିତ ଶର୍ମା ଚାପୁଡ଼ା ମାରିଥିବା ଦେଖାଯାଇଥିଲା। ଏହି ଘଟଣାର ଭିଡିଓ ଭାରତର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି। ଚେନ୍ନାଇ ଟେଷ୍ଟରେ ରିଷଭ ପନ୍ତ ବ୍ୟାଟିଂ ଏବଂ ଉଇକେଟ କିପିଂରେ ଚମତ୍କାର ପ୍ରଦର୍ଶନ କରିଛନ୍ତି। ପ୍ରଥମ ଇନିଂସରେ ପନ୍ତ ୭୭ଟି ବଲରେ ୭ ଚୌକା ଓ ୩ଟି ଛକା ସହ ଅପରାଜିତ ୫୮ ରନ ସଂଗ୍ରହ କରିଥିଲେ। ଟେଷ୍ଟ ମ୍ୟାଚ୍ରେ ପନ୍ତଙ୍କ ଏହା କ୍ରମାଗତ ଚତୁର୍ଥ ଅର୍ଦ୍ଧଶତକ। ଚେନ୍ନାଇ ଟେଷ୍ଟର ପ୍ରଥମ ଇନିଂସରେ ସେ ୮୮ ବଲରେ ୯୧ରନ ସଂଗ୍ରହ କରିଥିଲେ। ଏହାପୂର୍ବରୁ ଅଷ୍ଟ୍ରେଲିଆ ଗସ୍ତରେ ପନ୍ତ ସିଡନୀ ଟେଷ୍ଟରେ ୯୭ ଏବଂ ବ୍ରିସବେନର ଗାବା ଗ୍ରାଉଣ୍ଡରେ ଅପରାଜିତ ୮୯ ରନ କରିଥିଲେ।