![](https://www.dharitri.com/wp-content/uploads/2024/02/rohit-1.jpg)
ରାଜକୋଟ,୧୬।୨: ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍ରେ ଟିମ ଇଣ୍ଡିଆ ପ୍ରଥମ ଇନିଂସରେ ଚମତ୍କାର ବ୍ୟାଟିଂ କରି ୪୪୫ ରନ ସ୍କୋର କରିଥିଲା। କ୍ୟାପଟେନ ରୋହିତ ଶର୍ମା ଏବଂ ରବିନ୍ଦ୍ର ଜାଡେଜା ଚମତ୍କାର ଶତକ ହାସଲ କରିଥିଲେ। କିନ୍ତୁ ଏହା ପରେ ଇଂଲଣ୍ଡ ମଧ୍ୟ ଟିମ ଇଣ୍ଡିଆକୁ ଉପଯୁକ୍ତ ଜବାବ ଦେଇଥିଲା।
ବିଶେଷକରି ବେନ ଡକେଟ ଏକ ଚମତ୍କାର ଇନିଂସ ଖେଳି ଏକ ଶତକ ହାସଲ କରିଥିଲେ। ଏହି ବାମହାତୀ ବୋଲର ଦ୍ୱିତୀୟ ଦିନର ଖେଳ ଶେଷ ସୁଦ୍ଧା ୧୩୩ ରନ୍ କରିଥିଲେ ଏବଂ ଏଥିପାଇଁ ସେ ମାତ୍ର ୧୧୮ ବଲ ଖେଳିଥିଲେ। ଡକେଟଙ୍କ ବିସ୍ଫୋରକ ଶତକ ଆଧାରରେ ଇଂଲଣ୍ଡର ସ୍କୋର ୨ ଉଇକେଟ ବିନିମୟରେ ୨୦୭ ରନରେ ପହଞ୍ଚିଛି। ଖେଳର ଦ୍ୱିତୀୟ ଦିନରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଥିଲା ଯେତେବେଳେ ଭାରତୀୟ ବୋଲରଙ୍କ ବଲ୍ ମାଡ଼ ଖାଉଥିବା ସମୟରେ ଅଧିନାୟକ ରୋହିତ ଶର୍ମା ଲଗାତର ଭାବରେ ହସୁଥିବା ନଜର ଆସିଥିଲା।
ରାଜକୋଟ ଟେଷ୍ଟର ଦ୍ୱିତୀୟ ଦିନରେ ଯେତେବେଳେ ଜାଡେଜା କିମ୍ବା ଅଶ୍ୱିନଙ୍କ ବଲ ମାଡ ହେଉଥିଲା ସେତେବେଳେ ରୋହିତ ଶର୍ମା ହସୁଥିଲେ। ରୋହିତଙ୍କ ହସ ହେବାର କାରଣ ହେଉଛି ଇଂଲଣ୍ଡ ଦଳର ସଟ୍ ଚୟନ। ବିଶେଷକରି ବେନ ଡକେଟ ଏବଂ ଓଲି ପୋପ ଦ୍ୱାରା ଖେଳାଯାଇଥିବା ଶଟ୍ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଡକେଟ ଓଲଟା ସୁଇପ୍ ଖେଳିଥିଲେ ଏବଂ ଅଲି ପୋପ ତାଙ୍କଠାରୁ ଦୁଇ ପାଦ ଆଗରେ ଏକ ଓଲଟା ସ୍କୁପ୍ ଖେଳୁଥିବା ଦେଖିବାକୁ ମିଳିଥିଲା। ଏସବୁ ଦେଖି ରୋହିତ ଶର୍ମା ହସୁଥିଲେ। ତେବେ ତାଙ୍କ ହସରେ ଅସହାୟତା ଦୃଶ୍ୟମାନ ହେଉଥିଲା କାରଣ ଭାରତୀୟ ମଇଦାନରେ ଟେଷ୍ଟ କ୍ରିକେଟରେ ପ୍ରଥମ ଥର ପାଇଁ ସେ ଏପରି ସଟ ଦେଖୁଥିଲେ।
That is a ridiculously good shot #indveng pic.twitter.com/2NctThy59n
— simon hughes (@theanalyst) February 16, 2024
ବର୍ତ୍ତମାନ ଇଂଲଣ୍ଡ ଦଳ ଭାରତଠାରୁ ୨୩୮ ରନ ପଛରେ ରହିଛି। ଏଭଳି ପରିସ୍ଥିତିରେ ରୋହିତ ଶର୍ମା ଖେଳର ତୃତୀୟ ଦିନରେ ଉଇକେଟ ଆଶା କରିବେ। ତୃତୀୟ ଦିନରେ ପ୍ରଥମେ ବେନ ଡକେଟ୍ଙ୍କ ଉଇକେଟ ନେବା ଆବଶ୍ୟକ ହେବ। ସେ ରନ ସ୍କୋର କରୁଥିବା ଦେଖିବା ପରେ ୪୪୫ ରନ ସ୍କୋର ମଧ୍ୟ ବର୍ତ୍ତମାନ ଛୋଟ ଦେଖାଯାଉଛି। ଏଥି ସହିତ ଅନ୍ୟ ବ୍ୟାଟ୍ସମ୍ୟାନଙ୍କ ମଧ୍ୟରେ ଜୋ ରୁଟ୍, ବେନ ଷ୍ଟୋକ୍ସଙ୍କ ଉଇକେଟ ମଧ୍ୟ ଗୁରୁତ୍ୱପୂର୍ଣ୍ଣ ରହିବ। ଏବେ ଟିମ ଇଣ୍ଡିଆ ତୃତୀୟ ଦିନରେ କେଉଁ ରଣନୀତି ଆପଣାଇବ ତାହା ଦେଖିବାକୁ ବାକି ରହିଲା ।