![](https://www.dharitri.com/wp-content/uploads/2024/07/rohit-1.jpg)
ନୂଆଦିଲ୍ଲୀ,୧୯।୭: ଶ୍ରୀଲଙ୍କା ସିରିଜ ଲାଗି ଟିମ୍ ଇଣ୍ଡିଆର ଦିନିକିଆ ଏବଂ ଟି୨୦ ଦଳ ଘୋଷଣା ହେବା ପରେ ବିବାଦ ଦେଖାଯାଇଛି। ହାର୍ଦ୍ଦିକ ପାଣ୍ଡ୍ୟାଙ୍କୁ ଟି୨୦ ଅଧିନାୟକ ପଦରୁ ହଟାଯିବା ଅନେକଙ୍କୁ ଚକିତ କରିଛି। ଏଥିସହ ତାଙ୍କୁ ଉପଅଧିନାୟକରୁ ମଧ୍ୟ ବାଦ୍ ଦିଆଯାଇଛି। ତାଙ୍କ ସ୍ଥାନରେ ଶୁଭମନ ଗିଲଙ୍କୁ ଦିନିକିଆ-ଟି୨୦ର ଉପଅଧିନାୟକ କରାଯାଇଛି।
ଋତୁରାଜ ଗାୟକଓ୍ବାଡ ମଧ୍ୟ ଉଭୟରୁ ବାହାର ହୋଇଛନ୍ତି। ସଞ୍ଜୁ ସାମସନ ଶତକ ମାରିଥିଲେ ହେଁ ଦିନିକିଆ ଟିମ୍ରେ ସ୍ଥାନ ମିଳିନାହିଁ। ଏସବୁ ନିଷ୍ପତ୍ତି ପରେ କ୍ରିକେଟ ପ୍ରଶଂସକମାନେ ହେଡ୍ କୋଚ୍ ଗୌତମ ଗମ୍ଭୀରଙ୍କ ଉପରେ ପ୍ରଶ୍ନ ଉଠାଉଥିବା ବେଳେ କିଛି ରିପୋର୍ଟରେ ଏହା ପଛରେ ରୋହିତ ଶର୍ମାଙ୍କ ହାତ ଥିବା ଦର୍ଶାଯାଇଛି।
ବିଶେଷଜ୍ଞଙ୍କ କହିବା ମୁତାବକ ଗମ୍ଭୀର ହେଡ୍ କୋଚ୍ ହୋଇଥିଲେ ହେଁ ଆସୁଆସୁ ଏତେ ବଡ଼ ନିଷ୍ପତ୍ତି ଏକାକି ନେଇନାହାନ୍ତି। ଦଳର ଦିଗ ଏବଂ ସ୍ଥିତି ନିର୍ଦ୍ଧାରିତ କରିବା ଲାଗି ମୁଖ୍ୟ ଚୟନକର୍ତ୍ତା ଅଜିତ ଅଗରକର ଏବଂ ଦିନିକିଆ ଏବଂ ଟେଷ୍ଟ ଅଧିନାୟକ ରୋହିତ ଶର୍ମାଙ୍କ ହାତ ରହିଛି। ରୋହିତ ଦୀର୍ଘ ଦିନରୁ ଯୋଡ଼ି ହୋଇ ଥିବାରୁ ଦଳକୁ ବୁଝନ୍ତି ଏବଂ ତାଙ୍କ ରାୟ ଚୟନ ଟିମ୍ ପାଇଁ ଗୁରୁତ୍ୱ ବହନ କରେ। ହେଲେ ଚୟନ କମିଟି ବୈଠକର ଆଲୋଚନା ନେଇ କୌଣସି ସୂଚନା ଆସିନାହିଁ।
Rohit sharma is the biggest Politician I have ever seen
KL Rahul was in Future Contention for ODI Captaincy, he removed him from even VC
Hardik pandya was all set to become T20i Captain, he suggested Sky over him
Did politics with Virat Kohli a few years back#INDvsSL pic.twitter.com/SrSVsOzlow
— 𝙎𝙤𝙣𝙪 (@KLfied_) July 18, 2024
ଯେବେଠାରୁ ପାଣ୍ଡ୍ୟାଙ୍କୁ ଉପଅଧିନାୟକ ପଦରୁ ହଟାଯାଇଛି ରୋହିତଙ୍କ ବିରୋଧରେ ଭାରତୀୟ ପ୍ରଶଂସକ ମୋର୍ଚ୍ଚା ଖୋଲିଛନ୍ତି। ରୋହିତଙ୍କ ପ୍ରରୋଚନାରେ ଏସବୁ ହୋଇଛି ବୋଲି ସେମାନେ କହୁଛନ୍ତି। ପାଣ୍ଡ୍ୟା ଏବଂ କେ ଏଲ୍ ରାହୁଲଙ୍କ ସହ ରାଜନୀତି ହୋଇଛି। ଋତୁରାଜ ମଧ୍ୟ ଜିମ୍ବାଓ୍ବେରେ ଭଲ ପ୍ରଦର୍ଶନ କରିବା ସତ୍ତ୍ୱେ ଟି୨୦ ଟିମ୍ରୁ ବାଦ୍ ପଡ଼ିଛନ୍ତି ବୋଲି ଲୋକେ ଅଭିଯୋଗ କରୁଛନ୍ତି।
Look at these innocent faces of Virat Kohli, KL Rahul and Hardik Pandya.
All of them are victims of Rohit Sharma’s politics and brutal PR 💔 pic.twitter.com/nmcOrMQHHH— KL BASIT (@klbasit1) July 18, 2024