ଜୟପୁର,୧୭।୧୧: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତିନି ମ୍ୟାଚ ବିଶିଷ୍ଟ ଟି -୨୦ ସିରିଜର ପ୍ରଥମ ମ୍ୟାଚ ଆଜି ସା ୭ ଟାରୁ ଜୟପୁରର ସୱାଇ ମାନସିଂହ ଷ୍ଟାଡିୟମରେ ଖେଳାଯିବ। ବିରାଟ କୋହଲିଙ୍କ ସ୍ଥାନରେ ରୋହିତ ଶର୍ମାଙ୍କୁ ସ୍ଥାୟୀ ଟି-୨୦ ଅଧିନାୟକ କରାଯାଇଛି। ରୋହିତ ଶର୍ମା ତାଙ୍କ ଅଧିନାୟକତ୍ୱ ଡେବ୍ୟୁ ପାଇଁ ପ୍ରସ୍ତୁତ ଅଛନ୍ତି। ନ୍ୟୁଜିଲାଣ୍ଡ ବିପକ୍ଷ ଟି-୨୦ ସିରିଜରେ ରୋହିତ ଶର୍ମା ୩ ଟି ବଡ଼ ରେକର୍ଡ କରିପାରିବେ। ଆସନ୍ତୁ ଦେଖିବା ରୋହିତ ଶର୍ମା କେଉଁ ୩ଟି ବଡ଼ ରେକର୍ଡ କରିପାରିବେ।
ଟି-୨୦ ଅନ୍ତର୍ଜାତୀୟ ସ୍ତରରେ ସବୁଠୁ ଅଧିକ ରନ୍
୧୯୦ ରନ ସ୍କୋର କରିବା ମାତ୍ରେ ରୋହିତ ଶର୍ମା (୩୦୩୮ ରନ) ଟି-୨୦ ଅନ୍ତର୍ଜାତୀୟରେ ସର୍ବାଧିକ ରନ ସଂଗ୍ରହରେ ବିରାଟ କୋହଲିଙ୍କୁ (୩୨୨୭ ରନ) ପଛରେ ପକାଇ ଏକ ନମ୍ବର ସ୍ଥାନରେ ପହଞ୍ଚିବେ। ତେବେ ଏହି ପରିପ୍ରେକ୍ଷୀରେ ସେ ନ୍ୟୁଜିଲାଣ୍ଡର ଓପନିଂ ବ୍ୟାଟ୍ସମ୍ୟାନ ମାର୍ଟିନ ଗୁପଟିଲ (୩୧୪୭ ରନ) ସହିତ ପ୍ରତିଦ୍ୱନ୍ଦ୍ୱିତା କରିବେ। ଏହି ସିରିଜ ପାଇଁ ବିରାଟ କୋହଲିଙ୍କୁ ବିଶ୍ରାମ ଦିଆଯାଇଛି। ଏଭଳି ପରିସ୍ଥିତିରେ ତାଙ୍କୁ କୋହଲିଙ୍କୁ ଅତିକ୍ରମ କରିବାର ସୁଯୋଗ ମିଳିବ।
ଅନ୍ତର୍ଜାତୀୟ କ୍ରିକେଟରେ ୪୫୦ ସିକ୍ସ
ରୋହିତ ତିନିଟି ଛକା ମାରିବା ମାତ୍ରେ ଅନ୍ତର୍ଜାତୀୟ କ୍ରିକେଟରେ ତାଙ୍କର ୪୫୦ ଛକା ପୂରଣ କରିବେ। ଏହି ସଫଳତା ହାସଲ କରିବାରେ ସେ ବିଶ୍ୱର ପ୍ରଥମ ଭାରତୀୟ ତଥା ତୃତୀୟ କ୍ରିକେଟର ହେବେ। ୱେଷ୍ଟଇଣ୍ଡିଜ୍ର କେବଳ କ୍ରିସ ଗେଲ (୫୫୩) ଏବଂ ପାକିସ୍ତାନର ପୂର୍ବତନ ଅଲରାଉଣ୍ଡର ଶହିଦ ଆଫ୍ରିଦି (୪୭୬) ଏହି ସଂଖ୍ୟାରେ ପହଞ୍ଚିଛନ୍ତି।
ଟି-୨୦ ଆନ୍ତର୍ଜାତୀୟ ସ୍ତରରେ ୧୫୦ ଛକା
ରୋହିତ ୧୦ଟି ଛକା ମାରିବା ମାତ୍ରେ ଟି -୨୦ ଇଣ୍ଟରନ୍ୟାସନାଲରେ ତାଙ୍କର ୧୫୦ଛକା ମାରିବେ। ମାର୍ଟିନ ଗୁପଟିଲଙ୍କ ପରେ ସେ ଏହି ସଂଖ୍ୟାରେ ପହଞ୍ଚିବା ପରେ ଦ୍ୱିତୀୟ ଖେଳାଳି ହେବେ।