ଆଇପିଏଲ୍‌ ୨୦୨୪ରେ ପାଣ୍ଡ୍ୟା ହୋଇପାରନ୍ତି ମୁମ୍ବାଇ ଅଧିନାୟକ ! ଅଶ୍ୱିନ କହିଲେ- ସହଜରେ ଗ୍ରହଣ କରିନେବେ ରୋହିତ

ଚେନ୍ନାଇ,୧।୧୨: ଆଇପିଏଲ୍‌ ୨୦୨୪ରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳିବେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା। ପୂର୍ବ ଦୁଇ ସଂସ୍କରଣରେ ହାର୍ଦ୍ଦିକ ଗୁଜରାଟ ଟାଇଟନ୍ସର ଅଧିନାୟକ ଦାୟିତ୍ୱ ସମ୍ଭାଳିଥିବା ବେଳେ ଏବେ ସେ ମୁମ୍ବାଇର ନେତୃତ୍ୱ ନେଇ ପାରନ୍ତି ବୋଲି ଚର୍ଚ୍ଚା ହେଉଛି। ଏନେଇ ସ୍ପିନର ରବି ଚନ୍ଦ୍ରନ ଅଶ୍ୱିନ ସଙ୍କେତ ଦେଇଛନ୍ତି। ଯଦି ସେଭଳି ହୁଏ ତେବେ ମୁମ୍ବାଇ ଅଧିନାୟକ ରୋହିତ ଶର୍ମା ଏହାକୁ ସହଜରେ ଗ୍ରହଣ କରିନେବେ ବୋଲି ସେ କହିଛନ୍ତି।

୨୦୨୨ରେ ଗଠନ ହୋଇଥିବା ନୂଆ ଟିମ୍‌ ଗୁଜରାଟର ନେତୃତ୍ୱ ନେଇଥିଲେ ହାର୍ଦ୍ଦିକ। ଏଥିରେ ସେ ଦଳକୁ ବିଜେତା କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଏବେ ସେ ମୁମ୍ବାଇକୁ ଫେରିବା ପରେ ଅଶ୍ୱିନ କହିଛନ୍ତି, ‘ରୋହିତଙ୍କର ଅଧିକ ଅହଙ୍କାର ନାହିଁ। ସେ ଜଣେ ଭଲ ମଣିଷ ଏବଂ ବହୁତ ଭଲ ଅଧିନାୟକ। ଯଦି ହାର୍ଦ୍ଦିକଙ୍କୁ ଅଧିନାୟକ କରାଯାଏ ତେବେ ରୋହିତ ଏହାକୁ ଶିଷ୍ଟାଚାର ସହ ସ୍ବୀକାର କରିନେବେ ।’